Tipisalema 25:1-22
Pisalema ya Davhida.
א [Alefi]
25 Ni tsutsumela ka wena Yehovha.
ב [Beti]
2 Xikwembu xa mina, ni tshemba wena;+U nga pfumeli ni danisiwa.+
U nga tshiki valala va mina va tsaka loko ni hlupheka.+
ג [Gimeli]
3 Phela lava ku tshembaka a va nge danisiwi,+Kambe lava xengaka van’wani na ku nga na xivangelo xa ku twala va ta danisiwa.+
ד [Daleti]
4 Yehovha Xikwembu xa mina, ni tivise tindlela ta wena;+Ni djondzise tindlela ta wena.+
ה [He]
5 Ni fambise ka ndlela ya wena ya ntiyiso, u ni djondzisa,+Hikusa u Xikwembu xa mina lexi ni ponisaka.
ו [Vawu]
Ni tshemba wena siku hinkwalu.
ז [Zayini]
6 Yehovha Xikwembu xa mina, khumbuka timpsalu ni lirhandzu la wena,+Leswi u nga swi kombisa minkama hinkwayu.*+
ח [Heti]
7 U nga swi khumbuki swidjoho leswi ni nga swi yendla na na ha li djaha.
Ni khumbuke hi mhaka ya lirhandzu la wena,+Hi mhaka ya wunene la wena, Yehovha Xikwembu xa mina.+
ט [Teti]
8 Yehovha i munene funtshi a lulamile.+
Hi leswo swi yendlaka a komba vadjohi ndlela leyi va faneleke va famba hi yona.+
י [Iyodi]
9 A ta kongomisa lava va ku rhula swaku va yendla swaswinene,+A ta djondzisa lava ku rhula ndlela ya yena.+
כ [Kafi]
10 Tindlela hinkwatu ta Yehovha i lirhandzu ni ku tshembekaKa lava yingisaka ntwananu wa yena+ ni switsundzuxu swa yena.+
ל [Lamedi]
11 Hi mhaka ya vito la wena, Yehovha Xikwembu xa mina,+ ni rivalele xidjoho xa mina,Hambileswi xi nga xikulu.
מ [Memi]
12 I mani munhu lweyi a chavaka Yehovha?+
A ta mu djondzisa hi ta ndlela leyi a faneleke a yi langa.+
נ [Nuni]
13 A ta tikhorisa hi minchumu yayinene,+Funtshi vatukulu va yena va ta tshama misaveni.+
ס [Sameki]
14 Yehovha i munghanu wamukulu wa lava mu chavaka,+Naswona a va djondzisa ntwananu wa yena.+
ע [Ayini]
15 Ni tshemba Yehovha minkama hinkwayu,+Hikusa a ta chunsa minenge ya mina ka redi.+
פ [Pe]
16 Ni txuvuki u ni komba timpsalu,Hikusa ni noxe naswona a ku na lweyi a ni pfunaka.
צ [Tsadi]
17 Mahlomulu ya mina i manyingi hintamu;+Ni chunse ka ku xaniseka ka mina.
ר [Rexi]
18 Vona ku hlupheka ka mina ni ku karhateka ka mina,+Ni rivalele swidjoho swa mina hinkwaswu.+
19 Vona leswi valala va mina va nga talisa swona,Va ni nyenya va za va lava ni ku ni vavisa.
ש [Ximi]
20 Vhikela wutomi la mina u ni ponisa.+
U nga ni tshiki ni danisiwa, hikusa ni tumbela ka wena.
ת [Tawu]
21 Ku tshembeka ni ku lulama a swi ni vhikele,+Hikusa ni tshembe wena.+
22 Xikwembu xa mina, ponisa Israyele ka mahlomulu ya yena hinkwawu.
Tinhlamunselu ta le hansi
^ Kumbe: “Leswi nga va kona ku sukela khale swinene.”
