Tipisalema 141:1-10
Pisalema ya Davhida.
141 Yehovha Xikwembu xanga, na ku vitana.+
Kahlula u ta ni pfuna.+
Ni kombela u ni yingisa loko ni ku vitana.+
2 Xikhongelo xa mina a xi fane ni swinun’hwelisu*+ leswi nga yendliwa kahle leswi nyikeliwaka ka wena,+Mavoko ya mina lawa ni nga ma tlakusa a ma fane ni gandzelo la swakudla la nimadlambu.+
3 Ni pfuni swaku ni vonelela nomo wa mina, Yehovha,Veka gwardu ka nomo wa mina.+
4 U nga tshiki mbilu ya mina yi navela swa ku biha,+Swaku yi yendla swa ku kala swi nga li swinene ni vanhu lava yendlaka swa ku biha;Ni navela swaku ni nga tshuki ni dla mafandjara ya vona.
5 Loko lweyi wa ku lulama a ni ba, swi ta kombisa swaku wa ni rhandza;+Loko a ni laya, swi ta fana ni mafurha lawa ma cheliwaka ka nhloko ya mina,+Lawa nhloko ya mina yi nga ta kala yi nga ma yali.+
Ni ta tama ni khongela hambiloko lava va ku lulama va humeleliwa hi makhombo.
6 Hambiloko vayavanyisi va vona va txukumetiwa na va li henhla ka ribye lalikulu,Vanhu va ta yingisa marito ya mina hikusa ma tsakisa.
7 Marhambu ya hina ma hangalasiwile ka nomo wa Sirha,*Ku fana ni loko munhu a rima misava.
8 Kambe ni txuvuke wena, Yehovha Hosi Leyikulu.+
Ni tumbela ka wena.
U nga ni dlayi.
9 Ni vhikeli ka ntlhamu lowu ni nga rhiyiwa hi wona,Ka mintlhamu ya lava yendlaka swa ku biha.
10 Lava va ku biha va ta phasiwa hi maredi ya vona,+Kambe mina ni ta hundza kahle.
