Nhlawutelo ya Yohani 6:1-17
-
Xinyempfani xi kwamula 6 wa swa ku lema hi swona swa ku sungula (1-17)
-
Lweyi a nga ka kavhalu la ku basa a huma a ya hlula (1, 2)
-
Mufambisi wa kavhalu la ku pshuka a susa ku rhula (3, 4)
-
Mufambisi wa kavhalu la ntima a tisa ndlala (5, 6)
-
Mufambisi wa kavhalu la ku nkwalala a vitaniwa Lifu (7, 8)
-
Ku dlayiwa ka lava nga hansi ka altari (9-11)
-
Ku tsekatseka kakukulu ka misava (12-17)
-
6 Kutani ni vona Xinyempfani+ na xi kwamula xa ku lema hi xona xa ku sungula ka leswa 7,+ se ni twa kerubu la ku sungula ka lawa ya 4+ li vula hi rito la ku fana ni ku dzindza ka tilo li ku: “Tani!”
2 Loko ni txuvuka, ni vona kavhalu la ku basa+ naswona lweyi a a tshame henhla ka lona a a khome ligubu; se a nyikiwa harhi*+ kutani a huma a ya hlula valala va yena.+
3 Loko xi kwamula xa ku lema hi xona xa wumbirhi, ni twa kerubu la wumbirhi+ li ku: “Tani!”
4 Se ku landzela kavhalu lin’wani la ku pshuka naswona lweyi a a tshame henhla ka lona a pfumeleliwe ku susa ku rhula misaveni leswaku vanhu va dlayana; kutani a nyikiwa xipada xaxikulu.+
5 Loko xi kwamula xa ku lema hi xona xa wunharhu,+ ni twa kerubu la wunharhu+ li ku: “Tani!” Loko ni txuvuka, ni vona kavhalu la ntima naswona lweyi a a tshame henhla ka lona a a khome balansa.*
6 Se ni twa rito leli twalaka ingaku li ta hi ka kerubu la wu 4 li ku: “A kilu* la trigu li xaviwa hi denari,*+ ni makilu* manharhu ya maxalani ma xaviwa hi denari; u nga tlangi hi mafurha ya azeyiti ni vhinyu.”+
7 Loko xi kwamula xa ku lema hi xona xa wu 4, ni twa rito la kerubu la wu 4+ li ku: “Tani!”
8 Se ni txuvuka kutani ni vona kavhalu la ku nkwalala; lweyi a a tshame henhla ka lona a vitaniwa Lifu. Sirha* a li mu landzelela hi kusuhi. Kutani va nyikiwa matimba ya ku dlaya munhu mun’we ka 4 wa vanhu* hi xipada xa ku leha, hi ndlala,+ hi ntungu ni hi swiharhi swa nhova.+
9 Loko xi kwamula xa ku lema hi xona xa wu 5, ni txuvuka hansi ka altari+ kutani ni vona ngati+ ya lava nga dlayiwa hi mhaka ya rito la Xikwembu ni hi ku chumayela.+
10 Va huwelela va ku: “Hosi Ya Ku Tlakuka, ya ku kwetsima ni ya ntiyiso,+ kasi u ta va yavanyisa siku muni lava tshamaka misaveni swaku u hakelisa ngati ya hina ke?”+
11 Kutani mun’wani ni mun’wani wa vona a nyikiwa mpahla ya ku leha ya ku basa;+ se va byeliwa swaku va nyimanyana anze numeru ya vatirhi van’wani ni vamakwavu lava a va li kusuhi ni ku dlayiwa ku fana na vona yi helela.+
12 Se ni txuvuka loko xi kwamula xa ku lema hi xona xa wu 6. Kutani ku va ni ku tsekatseka kakukulu ka misava; dlambu li txintxa li va la ntima ku fana ni saka la ku yendliwa hi mavoya,* n’weti wu txintxa wu fana ni ngati,+
13 tinyeleti ti wa misaveni ku fana ni loko nsinya wa nkuwa wu djudjiwa hi moya wawukulu, wu wisa makuwa ya ku kala ma nga wupfanga.
14 Se matilo ma suka ku fana ni buku loko li songiwa+ naswona ntshava yin’wani ni yin’wani ni xihlala* xin’wani ni xin’wani swi susiwa ka tindhawu ta swona.+
15 Kutani tihosi ta misava, vafumi, varhangeli va masonchwa, lava ku ganya, lava nga ni matimba, swikarawa ni lava kalaka va nga li swikarawa va ya tumbela ka mimhakwa* ni ka maribye yamakulu ya tintshava.+
16 Se va byela tintshava ni maribye yamakulu hi ku phindhaphindha va ku: “Hi weleni,+ mi hi fihla swaku hi nga voni nghohe* ya Lweyi a nga tshama ka xitshamu xa wuhosi+ ni ku kwata ka Xinyempfani,+
17 hikusa siku lalikulu la ku kwata ka vona li fikile,+ i mani lweyi a nga nyimaka a ku dzi?”+
Tinhlamunselu ta le hansi
^ Kumbe: “korowa”.
^ Kumbe: “xikalu.”
^ Kumbe: “litru”. Hi Xigriki: “Kwarti”. Vona Xiyengetelo B14.
^ I male ya prata ya le Roma leyi a yi ringana muholo wa siku. Vona Xiyengetelo B14.
^ Kumbe: “malitru”.
^ Hi Xigriki: “1/4” (munhu mun’we ka 4 wa vanhu).
^ Kumbe: “Hayidesi”. Vona Ntlhamuselo.
^ Kumbexana i mavoya ya mbuti.
^ Ku nga ilha.
^ Ku nga mimbhovo leyi kumekaka ka tintshava kumbe ka maribye.
^ Kumbe: “kara la”.
