Nhlawutelo ya Yohani 16:1-21
-
7 wa switijelani swa ku kwata ka Xikwembu (1-21)
16 Se ni twa rito li huwelela na li ta hi ka ndhawu leyi kwetsimaka+ li byela 7 wa tintsumi li ku: “Fambani mi ya chulula 7 wa switijelani swa ku kwata ka Xikwembu misaveni.”+
2 Ntsumi ya ku sungula yi chulule xitijelani xa yona misaveni.+ Kutani vanhu lava nga ni marka ya xiharhi xa ku chavisa hintamu*+ ni lava gandzelaka xifaniso xa xona,+ va huma swilondza swa ku vava hintamu.+
3 Ya wumbirhi yi chulule xitijelani xa yona lwandle.+ Se lwandle li txintxa li fana ni ngati+ ya munhu wa ku fa, kutani ku fa hinkwaswu leswi hanyaka lwandle.+
4 Ya wunharhu yi chulule xitijelani xa yona ka minambu ni ka swihlovo swa mati.+ Se swi txintxa swi va ngati.+
5 Kutani ni twa ntsumi leyi nga ni matimba ya ku manda mati yi ku: “Wena Lweyi a nga kona ni lweyi a a li kona,+ wena u Tshembekile,+ u lulamile hikusa u bohe swaku minchumu leyi hinkwayu yi fanele yi yendleka,+
6 hileswi va nga halata ngati ya vakwetsimi ni ya vaprofeta,+ kutani u va nyike ngati va phuza+ hikusa swa va fanela.”+
7 Se ni twa rito na li ta hi ka altari li ku: “Yehovha,* Xikwembu xa Matimba Hinkwawu,+ ku yavanyisa ka wena ka tshembeka naswona ku lulamile.”+
8 Ntsumi ya wu 4 yi chulule xitijelani xa yona ka dlambu,+ se dlambu li pfumeleliwa ku hisa vanhu hi ndzilu wa ku tlula mpimu.
9 Kutani vanhu va hisiwa hi mumu wawukulu, se va rhuketela vito la Xikwembu lexi nga ni matimba ya ku manda makhombo lawa, naswona a va tisolanga va xi dzunisa.
10 Ntsumi ya wu 5 yi chulule xitijelani xa yona henhla ka xitshamu xa wuhosi xa xiharhi xa ku chavisa hintamu. Se mfumu wa xona wu txintxa wu va wa ntima,+ kutani vanhu va tiluma tirimi hi mhaka ya ku twa ku vava,
11 kambe va rhuketela Xikwembu xa le tilweni hi mhaka ya ku twa ku vava ni swilondza swa vona naswona a va tshikanga mintirho ya vona ya ku biha.
12 Ntsumi ya wu 6 yi chulule xitijelani xa yona ka nambu wawukulu wa Ewufrata,+ se mati ma psha,*+ leswaku ndlela ya tihosi+ leti taka hi wuxeni yi pfuleka.
13 Kutani ni vona marito manharhu ya chaka* ya ku fana ni makhutla na ma huma hi ka nomo wa dragona,*+ ka nomo wa xiharhi xa ku chavisa hintamu ni ka nomo wa muprofeta wa mavunhwa.
14 I marito lama taka hi ka madimoni naswona ma yendla masingita.+ Ma ya ka tihosi ta misava hinkwayu ma ya ti tlhanganisa leswaku ti ta lwa nyimpi+ ya siku lalikulu la Xikwembu xa Matimba Hinkwawu.+
15 “Vonani! Ni ta ku fana ni muyivi.+ Wa tsaka lweyi a tshamaka na a pfule matihlo,+ lweyi a tshamaka na a yambale mpahla ya yena* swaku a nga fambi na a nga yambalanga nchumu kutani vanhu va vona tingana ta yena.”+
16 Se marito lawa ya chaka* ma hlengeleta tihosi ka ndhawu leyi vitaniwaka Armajedoni* hi Xiheberu.+
17 Ntsumi ya wu 7 yi chulule xitijelani xa yona ampfhukeni.* Se ku twala rito li huwelela na li ta hi ka xitshamu xa wuhosi lexi nga ka ndhawu leyi kwetsimaka+ li ku: “Swi yendlekile!”
18 Kutani ku sungula ku hatima, ku twala marito, ku dzindza tilo, ku va ni ku tsekatseka kakukulu ka misava loku a ku chavisa hintamu naswona a ku se tshama ku va kona ku sukela vanhu va va kona misaveni.+
19 Se doropa lalikulu+ li yavana li va swikhemu swinharhu, ni madoropa ya vamatiko ma wa; kutani Xikwembu xi khumbuka Babilona Wamukulu,+ xi mu nyika kopo ya vhinyu la ku kwata ka xona.+
20 Ku tlhele ku nyamalala ni swihlala* ni tintshava.+
21 Kutani ku wa marhalala* yamakulu, lawa lin’wani ni lin’wani a li peza kolomuyani ka 20 wa makilu,* ma wela vanhu+ se va rhuketela Xikwembu hi mhaka ya marhalala+ wolawo hikusa ma wonhetele hintamu.
Tinhlamunselu ta le hansi
^ Kumbe: “xivandzana”.
^ Vona Xiyengetelo A5.
^ Kumbe: “khwa”.
^ Kumbe: “ya chaka lama nga huhuteliwa”.
^ Ku nga muxaka wa xiharhi xaxikulu xa ku fana ni nyoka.
^ Hi Xigriki: “lweyi a hlayisaka mpahla ya yena”.
^ Kumbe: “ya chaka lama nga huhuteliwa”.
^ Hi Xigriki: “Har Magedón”; ku nga vito la Xiheberu leli vulaka “Ntshava ya Mejido”.
^ Kumbe: “ka moya.”
^ Ku nga ma ilhas.
^ Kumbe: “marhalani”.
^ Hi Xigriki: “kolomuyani ka talenta”. Vona Xiyengetelo B14.
