Nhlawutelo ya Yohani 11:1-19
11 Nkama ni nga nyikiwa lihlanga la ku fana ni nhonga,+ ni twe rito li ku: “Sekeleka u pima ndhawu leyi kwetsimaka ya le tempeleni ya Xikwembu ni altari ni lava gandzelaka ka yona.
2 Kambe seniya ka kintari* lowu nga handle ka ndhawu leyi kwetsimaka ya tempele, ku tshike u nga ku pimi, hikusa ku nyikiwe vanhu va matiko naswona va ta kandzihela doropa la ku kwetsima+ ku ringana 42 wa tiwheti.+
3 Kutani ni ta rhuma timboni ta mina timbirhi swaku ti profeta 1.260 wa masiku na ti yambale masaka.”
4 Tona ti fanisiwa ni minsinya yimbirhi ya mawolivhera+ ni swilo swimbirhi swa ku tlhoma swa ku voninga hi swona,+ naswona ti nyime phambheni ka Hosi ya misava.+
5 Loko vanhu va tshuka va lava ku vavisa timboni leti, ti humesa ndzilu ka minomo ya tona ti va helisa. Lweyi a nga ta lava ku ti vavisa a ta dlayisiwa swoleswo.
6 Tona ti ni matimba ya ku pfala tilo+ leswaku mpfula yi nga ni+ ku ringana masiku lawa ti nga ma profeta, naswona ti ni matimba ya ku txintxa mati ma va ngati+ ni ku ba misava hi makhombo ya mixaka hinkwayu hi ku phindhaphindha, leswi ti swi lavisaka xiswona.
7 Loko ti gamile ku profeta, xiharhi xa ku chavisa hintamu* lexi humaka hi ka xikhele xa ku yenta, xi ta lwa ni timboni leti, xi ti hlula xi tlhela xi ti dlaya.+
8 Mintsumbu ya tona yi ta va ka switaratu swaswikulu swa doropa lalikulu, lomu Hosi ya tona yi nga dlayiwa kona mhandzini naswona madoropa ya Sodoma na Gibita ma nyimela doropa leli.
9 Kutani vanhu va tinxaka ta ku hambanahambana ni tirimi ni matiko, va ta txuvuka mintsumbu ya timboni leti ku ringana masiku manharhu ni hafu+ naswona a va nge pfumeli leswaku mintsumbu yoleyo yi lahliwa.
10 Se lava tshamaka misaveni va ta tsaka va tlhela va kulungela hi mhaka ya ku fa ka tona; va ta rhumelana ni tinyiko, hikusa vaprofeta lavambirhi a va va hlupha.
11 Loko se ku hundze masiku manharhu ni hafu, moya wa wutomi lowu taka hi ka Xikwembu wu nghene ndzeni ka vona,+ se va pfuka va nyima kutani vanhu lava nga va vona va chava hintamu.
12 Va twa rito lalikulu leli taka hi tilweni li va byela li ku: “Tanani halenu.” Kutani va khwela va ya tilweni hi rhefu, na va voniwa hi valala va vona.
13 Hi nkama wolowo, misava yi tsekatseka hintamu, kutani ku wa hafu yayitsongo* ya doropa; se ku dlayiwa 7.000 wa vanhu hi mhaka ya ku tsekatseka ka misava; kutani vanhu lava nga sala va chava hintamu, va dzunisa Xikwembu xa le tilweni.
14 Khombo la wumbirhi+ se li hundzile. Kambe ka ha ta khombo la wunharhu hi ku hantlisa.
15 Ntsumi ya wu 7 yi chaya mhalamhala* ya yona.+ Se ku twakala marito yamakulu tilweni ma ku: “A mfumu wa misava se i Mfumu wa Hosi ya hina+ na Kreste,+ naswona yona yi ta fuma hi masiku ni masiku.”+
16 Kutani a 24 wa madoda+ lama nga tshama ka switshamu swa wona swa wuhosi aphambheni ka Xikwembu, ma khizama, tinghohe* ta wona ti khumba hansi ma gandzela Xikwembu,
17 ma ku: “Ha ku khensa, Yehovha* Xikwembu, wena wa Matimba Hinkwawu, lweyi a nga kona+ ni lweyi a a li kona, hikusa u ma kombisile matimba ya wena yamakulu naswona se u sungule ku fuma.+
18 A matiko ma kwatile, kambe ku kwata ka wena ku fikile naswona nkama lowu nga vekiwa wa ku yavanyisa lava nga fa se wu fikile, nkama wa ku hakela+ vaprofeta lava ku tirhelaka,+ vakwetsimi ni lava chavaka vito la wena, va swiyimu swa le henhla ni vambuyangwana ni ku helisa lava wonhaka misava.”+
19 Kutani ku pfuliwa ndhawu leyi kwetsimaka ya le tempeleni ya Xikwembu leyi nga tilweni,+ se ndzeni ka yona ku voneka areka ya xona ya ntwananu. Kutani ku sungula ku hatima, ku twala marito, ku dzindza tilo, ku tsekatseka misava ku tlhela ku va ni marhalala* yamakulu.
Tinhlamunselu ta le hansi
^ Vona Ntlhamuselo.
^ Kumbe: “xivandzana”.
^ Hi Xigriki: “1/10” (xikhemu xin’we ka 10).
^ Ku nga nchumu xa ku hambiwa hi limhondzo kumbe nsimbi. Xi chaya ku fananyana ni vhuvhuzela.
^ Kumbe: “makara ya”.
^ Vona Xiyengetelo A5.
^ Kumbe: “marhalani”.
