Mahungu Ya Ku Tsakisa Ya Ku Tsaliwa Hi Matewu 2:1-23
2 Loko Yesu se a psaliwile aBetlehema+ ka xidoropani xa Yudiya, nkama na ku fuma hosi Heroda,*+ ku fike tintivi ta swa tinyeleti aYerusalema leti a ti ta hi le wuxeni,
2 ti fika ti ku: “A kwini lweyi a nga psaliwa leswaku a va hosi ya Vayuda?+ Hi vone nyeleti ya yena na hi li ka tlhelo la le wuxeni, se hi tele ku ta mu khizamela.”
3 Loko Hosi Heroda ni vanhu hinkwavu va Yerusalema va twa leswo, va dungeka tinhloko.
4 Se Heroda a vitana vaprista vavakulu hinkwavu ni vatsali va tiko, a va vutisa lomu Kreste* a a ta psaliwa kona.
5 Va mu hlamula va ku: “ABetlehema,+ ka xidoropani xa Yudiya, hikusa muprofeta a tsale a ku:
6 ‘Wena Betlehema, xidoropani xa Yuda, a wu mutsongo xikarhi ka tihosi ta tiko la Yuda, hikusa murhangeli lweyi a nga ta kongomisa tiko la mina la Israyele,+ a ta huma ka wena.’”
7 Se Heroda a vitana tintivi ta swa tinyeleti axihundleni, a ti vutisisa kahle hi ta nkama lowu nyeleti yi nga humelela hi wona.
8 Nkama a nga ti rhuma Betlehema a ti byele leswi: “Fambani mi ya lavetela n’wana lweyi, se loko mi mu kuma ni byeleni swaku na mina ni ta ya ni ya mu khizamela.”
9 Loko va twe leswi hosi yi nga swi vula, va suka va famba. Se a nyeleti leyi va nga yi vona na va ha li awuxeni,+ yi va kongomisile anze yi ya nyima lani n’wana a a li kona.
10 Va tsake hintamu loko va vona nyeleti.
11 Loko va nghena ndlwini, va vona n’wana ni mamani wa yena Mariya, va korhama va mu khizamela, va tlhela va tlhantlha swidjumba swa vona va mu nyika woru, olibanu* ni mafurha ya mira.
12 Kambe leswi Xikwembu xi nga va byela ka milorho+ swaku va nga ha tlheli ka Heroda, va muke hi ndlela yin’wani.
13 Loko se va fambile, ntsumi ya Yehovha* yi humelela ka Yosefa ka milorho+ yi ku: “Pfuka, u teka n’wana ni mamani wa yena mi baleka mi ya Gibita naswona tshamani kona anze ni mi byela xanchumu hikusa Heroda a ta lavetela n’wana lweyi leswaku a mu dlaya.”
14 Se Yosefa a pfuka hi wusiku lolelo, a teka n’wana ni mamani wa yena va baleka va ya Gibita.
15 A tshame kona anze Heroda a fa. Leswo swi hetisise leswi Yehovha* a nga swi vula hi ku tirhisa muprofeta wa yena a ku: “Ni vitane n’wana wa mina a huma ka tiko la Gibita.”+
16 Nkama Heroda a nga tsumbula swaku a kanganyisiwile hi tintivi, a kwate hintamu lakakuva a humesa nawu wa leswaku swifanyani hinkwaswu leswi swa ha ku psaliwaka kuya ka malembe mambirhi, leswi tshamaka Betlehema ni le ka tindhawu hinkwatu ta le kusuhi swi dlayiwa. A yendle xiboho lexo hi ku ya hi nkama lowu a nga byeliwa wona hi tintivi.+
17 Leswo swi hetisise leswi nga vuliwa hi muprofeta Yeremiya loko a ku:
18 “Ku twakale rito la nkosi ni xirilo xaxikulu aRama. A ku li Rakel+ na a rilela vana va yena naswona a a nga pfumeli ku singathiwa hikusa a va nga ha li kona.”+
19 Loko Heroda se a file, a ntsumi ya Yehovha* yi humelele ka Yosefa ka milorho+ aGibita
20 yi ku: “Pfuka, u teka n’wana ni mamani wa yena u famba u ya ka tiko la Israyele, hikusa lava a va lava ku dlaya n’wana se va file.”
21 Se a pfuka, a teka n’wana ni mamani wa yena a famba a ya ka tiko la Israyele.
22 Kambe nkama a nga twa swaku aYudiya a ku fuma Arkelawu, lweyi a nga pfaleta papayi wa yena Heroda, a chave ku ya kona. Naswona nkama a nga lorha,+ Xikwembu xi mu byele swaku a ya Galileya.+
23 Se a fambe a ya tshama ka xidoropani xa Nazareta,+ leswaku ku hetiseka marito ya vaprofeta lama nge: “A ta vitaniwa Munazareta.”*+
Tinhlamunselu ta le hansi
^ Vona Ntlhamuselo.
^ Kumbe: “Mesiya; Lweyi a nga Langiwa”.
^ Muxaka wa swinun’hwelisu swa ku loko swi hisiwa swi humesa ximusi xa ku nun’hwela.
^ Vona Xiyengetelo A5.
^ Vona Xiyengetelo A5.
^ Vona Xiyengetelo A5.
^ Swi nga yendleka li ta hi ka rito la Xiheberu leli vulaka “ku hluka.”
