Malakiya 2:1-17
2 “Nawu lowu wu ta ka n’wina vaprista.+
2 Loko mi yala ku yingisa naswona mi nga swi lavi ku dzunisa vito la mina, ni ta mi tisela xirhuku,+ ni ta txintxa minkateko ya n’wina yi va xirhuku.+ Ni yendle swaku minkateko ya n’wina yi va xirhuku, hikusa a mi yingisi,”* ku vula Yehovha murhangeli wa tintsumi.
3 “Phela ni ta wonha* mbewu leyi mi nga yi byala hi mhaka ya leswi mi swi yendlaka,+ ni ta mi xwanya hi nsila ya swiharhi ka tinghohe* ta n’wina, nsila* ya swifuyu leswi mi yendlaka magandzelo hi swona ka mafexta ya n’wina; mi ta txukumeteliwa lomu yi nga kona.*
4 Se mi ta swi tiva swaku hi mina ni nga mi nyika nawu lowu, swaku ntwananu wa mina na Levhi wu tama wu va kona,”+ ku vula Yehovha murhangeli wa tintsumi.
5 “Ntwananu wa mina na yena a ku li ku mu nyika wutomi ni ku rhula, leswi ni nga mu nyika swona swaku a ta ni chava. Yena a ni chavile a tlhela a hlonipha vito la mina.
6 Nawu wa ntiyiso a wu li ka nomo wa yena,+ a a nga vulavuli swa ku biha. A tirhisane na mina hi ku rhula ni hi wululami,+ naswona i vanyingi lava a nga va pfuna swaku va tshika tindlela ta vona ta ku biha.
7 Hikusa muprista* a fanele a djondzisa vanhu ku tiva Xikwembu, vanhu va fanele va lava nawu ka yena+ hikusa a rhumiwile hi Yehovha murhangeli wa tintsumi.
8 “Kambe n’wina mi sukile andleleni. Mi djikise vanhu va vanyingi hi ku kala mi nga va djondzisi nawu.+ Mi tlule ntwananu lowu nga yendliwa na Levhi,”+ ku vula Yehovha murhangeli wa tintsumi.
9 “Ni ta yendla swaku mi tekeliwa hansi ni ku nyenyiwa hi vanhu hinkwavu, hikusa a mi yingisanga minawu ya mina kambe mi ve ni xikheto nkama na mi yavanyisa.”+
10 “Kasi hina hinkwerhu a hi na papayi mun’we ke?+ Kasi a hi hambiwanga hi Xikwembu xin’we ke? Se hi mhaka muni hi kanganyisana,+ hi tlhela hi nga wu yingisi ntwananu lowu nga yendliwa ni vavhovho va hina ke?
11 Yuda a nga tshembekanga naswona ku yendliwe nchumu xa ku nyenyentsa aIsrayele ni Yerusalema; hikusa Yuda a nga ku hloniphi ku kwetsima ka Yehovha+ Lweyi a rhandzaka ku kwetsima, naswona a chade ni ntombhi leyi gandzelaka xikwembu xa mavunhwa.+
12 Yehovha a ta helisa hinkwavu lava yendlaka minchumu leyi ka matende ya Yakobe, swi nga na mhaka swaku i mani,* hambiloko a nyikela gandzelo ka Yehovha murhangeli wa tintsumi.”+
13 “Ku ni nchumu xin’wani* lexi mi xi yendlaka, lexi yendlaka swaku altari ya Yehovha yi tala hi mihloti, ku rila ni ku konya, a za a nga ha ma yamukeli magandzelo ya n’wina kumbe xin’wani ni xin’wani lexi taka hi ka mavoko ya n’wina.+
14 Kambe n’wina mi li: ‘Hi mhaka muni?’ Hi mhaka ya leswi Yehovha a nga fakazi ka wena ni nsati lweyi u nga mu chada na wa ha li djaha, lweyi u nga mu kanganyisa, hambileswi a nga nsati wa wena hi ku ya hi nawu.*+
15 Kambe ku ni lweyi a kalaka a nga swi yendlanga leswo, hi mhaka ya leswi a a ni moya wa ku kwetsima wa Xikwembu. Se a a lava yini? A a lava vana* va Xikwembu. Hi mhaka leyo tivoneleni, ku nga tshuki ku va ni munhu ni mun’we lweyi a xengaka nsati lweyi a nga mu chada na a ha li jovhem.
16 Hikusa na swi nyenya* ku tima muchadu,”*+ ku vula Yehovha Xikwembu xa Israyele “ni tlhela ni nyenya munhu lweyi a rhandzaka ku lwa,” ku vula Yehovha murhangeli wa tintsumi. “Tivoneleni, mi nga tshuki mi kanganyisa.+
17 “N’wina mi yendle swaku Yehovha a karhala hi marito ya n’wina.+ Kambe mi li: ‘Hi swi yendlise ku yini ke?’ Hi ku hlaya mi ku: ‘Lweyi a yendlaka swa ku biha a lulamile ka Yehovha naswona wa va tsakela vanhu volavo,’+ kumbe hi ku vula mi ku: ‘Xi kwini Xikwembu lexi nga ni wululami ke?’”
Tinhlamunselu ta le hansi
^ Hi Xiheberu: “a mi swi veki ambilwini”.
^ Hi Xiheberu: “rhuka”.
^ Kumbe: “makara ya”.
^ I nsila leyi swiharhi swi yi humesaka loko swi tirhuma.
^ Ku nga ndhawu leyi chaka la swifuyu swa magandzelo a li txukumetiwa kona.
^ Hi Xiheberu: “nomo wa muprista”.
^ Hi Xiheberu: “lweyi a nga pfula matihlo ni lweyi a hlamulaka”.
^ Hi Xiheberu: “xa wumbirhi”.
^ Kumbe: “ntwananu.”
^ Hi Xiheberu: “mbewu”.
^ Hi Xiheberu: “a nyenya”.
^ Kumbe: “na li nyenya divhorsiyu”.
