Deteronoma 32:1-52
32 “Yingisa wena matilo, kutani ni ta vulavula,Naswona misava a yi twe marito ya nomo wa mina.
2 Djondzo ya mina yi ta na ku fana ni mpfula;Marito ya mina ma ta wa ku fana ni mberha,Ku fana ni swimpfulani leswi naka henhla ka byanyi,Ku fana ni mpfula leyi naka henhla ka leswi nga mila.
3 Hikusa ni ta huwelela vito la Yehovha.+
Byelani van’wani hi wukulu la Xikwembu xa hina!+
4 Ribye, ntirho wa yena wu hetisekile,*+Tindlela ta yena hinkwatu ti lulamile.+
Xikwembu xa ku tshembeka,+ lexi kalaka xi nga yendli swa ku biha;+Xi lulamile naswona a xi na xa ku soliwa hi xona.+
5 Hi vona va nga djoha.+
A hi vana va xona, hi vona va nga yendla xihoxo.+
I lixaka la vanhu va ku biha!+
6 Indjhe mi fanele mi mu khomisa xileswi Yehovha,+N’wina swiphunta, swa ku kala swi nga tlharihanga?+
Indjhe a hi Papayi wa n’wina lweyi a nga mi yendla,+Yena lweyi a nga mi tumbuluxa a tlhela a mi nyika matimba ke?
7 Khumbuka masiku ya khale;Pimisa hi malembe ya vanhu va khale.
Vutisa papayi wa wena, a ta ku byela;+Vutisa madoda, ma ta ku byela.
8 Nkama Lweyi Wa Ku Tlakuka a nga nyika matiko tshomba la wona+Nkama a nga hambanisa vana va Adamu,*+A vekele vanhu lomu ndhawu ya vona a yi ta tsema hi kona+Hi ku ya hi numeru ya vana va Israyele.+
9 Hikusa vanhu va Yehovha i va yena;+Yakobe i tshomba la yena.+
10 A mu kume ka tiko leli nga mananga+Mananga ya ku kala ma nga na nchumu,+ lawa ma nga tala hi guwa la swiharhi swa khwati.
A mu vhikela a tlhela a mu hlayisa,+A mu hlayisa ku fana ni tihlo la yena.*+
11 Ku fana ni leswi gama li djondzisaka vana va lona ku haha,Li haha henhla ka vana va lona,Li pfula timpapa ta lona, li va teka,Li va rhwala hi timpapa ta lona,+
12 Yehovha a mu kongomisile Yakobe;+A a nga na xikwembu xin’wani.+
13 A mu khwelisa ka tindhawu ta ku tlakuka ta misava,+A za a dla leswi nga tshoveliwa masin’wini.+
A mu yan’wisa hi wulombe leli humaka ka ribye,Ni mafurha lama humaka ka ribye la ku tiya,
14 Mantega lawa ma humaka ka tihomu ni leiti la tinyempfu,Ku patsa ni mafurha ya tinyempfu,Ni tinyempfu ta xinuna ta le Baxani ni swiphongo,Ku patsa ni trigu lalinene;+Naswona wena u nwe vhinyu leli nga yendliwa hi mawuvha.
15 Nkama Yexuruni* a nga sungula ku kuluka, a sungule ku delela.
Wena u kulukile, u xurha hintamu, u tlhela u va ni matimba.+
Se a game a tshika Xikwembu lexi nga mu yendla,+A li vonela hansi Ribye leli mu ponisaka.
16 Va mu kwatisile hi ku gandzela swikwembu swin’wani;+Va mu twise ku vava hi swilo swa ku nyenyentsa.+
17 A va yendlela magandzelo madimoni, a va nga yendleli Xikwembu,+Ka swikwembu leswi a va nga swi tivi,Swikwembu swa nyuwani leswa ha ku humelelaka,Ka swikwembu leswi vavhovho va n’wina a va nga swi tivi.
18 U li khohlwile Ribye+ leli li nga papayi wa wena,A wu xi khumbukanga Xikwembu lexi nga ku psala.+
19 Nkama Yehovha a nga swi vona, a va tshikile,+Hikusa vana va yena va madjaha ni va tintombhi va mu kwatisile.
20 Se a ku: ‘Ni ta fambela kule na vona;*+Ni vona swaku va ta gamela kwini.
Hikusa i vanhu va ku biha,+Va ku kala va nga tshembeki.+
21 Va ni kwatisile hi nchumu xa ku kala xi nga li xikwembu;+Va ni kwatisile hi swikwembu swa vona swa ku kala swi nga pfuni nchumu.+
Ni ta yendla swaku va va ni wukwele hi ku tirhisa lexi xi kalaka xi nga li tiko;+Ni ta va twisa ku vava hi tiko la ku kala li nga twisisi.+
22 Ni tlhavike ndzilu hi ku kwata ka mina,+Lowu nga ta hisa anze wu ya fika aSirheni,*+Wu ta helisa misava ni leswi nga ka yona,Wu ta hisa ni masungulo ya tintshava.
23 Ni ta va yengetelela makhombo;Ni ta heta mimpaxwa* ya mina henhla ka vona.
24 Va ta karhala hi mhaka ya ndlala,+Va ta dliwa hi ku hiseta ka muzimbha ni ku helisiwa hi ndlela ya ku vava.+
Ni ta rhumela matinyu ya swiharhi henhla ka vona,+Ni vhenenu la swiharhi leswi fambaka hi khwirhi.
25 Ahandle va ta dlayiwa hi xipada;+Ndzeni ku ni ku chava+Ka madjaha ni tintombhi,*Ka n’wana lweyi a yan’waka ku patsa ni wanuna lweyi a nga ni nxenga.+
26 A ni ta va ni hlaye leswi: “Ni ta va hangalasa;Ni ta yendla swaku vanhu va nga ha vulavuli hi vona,”
27 Loko a ni nga chavi leswi valala va nga ta swi hlaya,+Hikusa valala va nga ha djikisa timhaka.+
Va nga ha ku: “Hi hlule hi matimba ya hina;+A hi Yehovha lweyi a nga yendla leswi hinkwaswu.”
28 Hikusa vona i tiko leli kalaka li nga tlharihanga,*Naswona a va twisisi.+
29 Loko a va tlharihile!+ A va ta pimisa hi swilo leswi.+
A va ta pimisa kahle hi leswi swi nga ta va yendlekela.+
30 Munhu mun’we a nga va hlongolisisa ku yini 1.000 wa vanhu ke?Naswona vanhu vambirhi va nga va hlongolisisa ku yini 10.000 wa vanhu ke?+
Leswo swi to yendleka ntsena loko Ribye la vona li va xavisile+Naswona Yehovha a va nyiketile ka valala va vona.
31 Hikusa ribye la vona a li fani ni Ribye la hina,+Hambi valala va hina va swi tiva leswo.+
32 Hikusa minsinya ya vona ya mawuvha yi ta hi ka minsinya ya SodomaNi le ka masimu ya Gomora.+
Mawuvha ya vona ma ni vhenenu,Switxatxa swa vona swa bava.+
33 Vhinyu la vona i vhenenu la tinyoka,Vhenenu la tinyoka leti nga ni khombo hintamu.
34 Indjhe a ni yi hlayisanga mintirho ya vona,Ni yi veka lomu ni hlayisaka kona swilo?+
35 Hi mina ni nga ta tlhelisela, ni ta va khatisa,+Hi nkama lowu nga vekiwa loko nenge wa vona wu rhetemuka,+Hikusa siku la khombo la vona li kusuhi,Naswona leswi nga ta va humelela swi ta ta hi ku hantlisa.’
36 Hikusa Yehovha a ta yavanyisa vanhu va yena,+A ta va twela wusiwana vatirhi va yena,+A ta va twela wusiwana vatirhi va yena,+Loko a vona swaku a va ha na matimba,Ni swaku ku yo sala ntsena lava va kalaka va nga na wa ku va pfuna ni lava va kalaka va nga na ntamu.
37 Kutani yena a ta ku: ‘Swi kwini swikwembu swa vona,+Ribye leli a va tumbela ka lona,
38 Leswi a swi dla mafurha ya magandzelo ya vona,Swi nwa vhinyu leli a va li nyikela?+
A swi sekeleke swi mi pfuna.
A swi ve ndhawu ya n’wina ya ku tumbela ka yona.
39 Swi tiveni swaku mina, hi mina,+A ku na swikwembu swin’wani handle ka mina.+
Na dlaya ni tlhela ni hanyisa.+
Na vavisa+ ni tlhela ni holisa,+Lweyi ni mu khomaka, a nge lamuleliwi hi munhu.+
40 Hikusa ni tlakusela voko la mina atilweni,Ni funga ni ku: “Leswi ni hanyaka hi masiku ni masiku,”+
41 Nkama ni nga ta lota xipada xa mina lexi phatimaka,Kutani ni lunghekela ku yavanyisa,+Ni ta tlhelisela ka valala va mina,+Ni khatisa lava va ni nyenyaka.
42 Ni ta dakwisa mimpaxwa ya mina hi ngati,Xipada xa mina xi ta dla nyama,Hi ngati ya lava va nga dlayiwa ni ya swikarawa,Hi tinhloko ta varhangeli lava va nga valala.’
43 Tsakani n’wina vamatiko, ni vanhu va yena,+Hikusa a ta tlhelisela ngati ya vatirheli va yena,+A ta khatisa* valala va yena,+Kutani a rivalela* tiko la vanhu va yena.”
44 Se Moxe a fika a lerhela Vayisrayele hinkwavu marito ya lisimu leli na vanhu va mu yingisa,+ yena na Oxeya*+ n’wana wa Nuni.
45 Nkama Moxe a nga gama ku byela Vayisrayele hinkwavu marito lawa hinkwawu,
46 a te: “Yingisani marito hinkwawu lawa ni mi baka ndleve hi wona namuntlha,+ mi ta ma djondzisa vana va n’wina leswaku va ta yingisa marito hinkwawu ya Nawu lowu.+
47 Hikusa marito lawa i ya lisima ka n’wina, ma vula wutomi ka n’wina,+ naswona hi marito lawa mi nga hanya nkama wa wunyingi ka tiko leli mi yaka mi ya li teka loko mi tlulela Nambu wa Yordani.”
48 Yehovha a vulavula na Moxe hi siku lolelo a ku:
49 “Khwela ntshava leyi ya Abarimi,+ Ntshava+ ya Nebo, leyi nga ka tiko la Mowabu, leli nga kusuhi ni Yeriko, swaku u vona tiko la Kanana leli ni nga ta li nyika Vayisrayele.+
50 Kutani u ta fela ka Ntshava leyi u nga ta khwela ka yona, u gama u lahliwa ka maxaka ya wena ku fana ni makwenu Aroni lweyi a nga fa ka Ntshava ya Ori,+ kutani a lahliwa ka maxaka ya yena,
51 hikusa hawumbirhi ka n’wina a mi tshembekanga ka mina xikarhi ka Vayisrayele, ka mati ya Meriba+ aKadexi amananga ya Zini, hikusa a mi ni dzunisanga phambheni ka Vayisrayele.+
52 U ta vona tiko la kona na u li kule, kambe a wu nga ta nghena ka tiko leli ni li nyikaka Vayisrayele.”+
Tinhlamunselu ta le hansi
^ Kumbe: “helelile”.
^ Kumbexana: “vanhu”.
^ Hi Xiheberu: “ndzololo ya tihlo la yena.”
^ Leswi vulaka “Munhu Wa Ku Lulama”. Ku nga mavitanelo lawa a ma tirhisiwa ku hlonipha Israyele.
^ Hi Xiheberu: “ni ta va fihlela nghohe ya mina.”
^ Kumbe: “Sheol”. Vona Ntlhamuselo.
^ Kumbe: “maflexa”.
^ Ku nga ntombhi ya ku a yi se tshama yi famba masangu.
^ Kumbexana: “a va yingisi loko va layiwa”.
^ Kumbe: “tlhelisela”.
^ Kumbe: “basisa”.
^ I vito la Yoxuwa leli a nga chuliwa hi vapsali va yena. Oxeya i magomisela ya vito Oxaya, leswi vulaka swaku “Yehovha Wa Ponisa; Yehovha A Ponisile”.
