Tikronika Ta Wumbirhi 4:1-22
4 Kutani a yendla altari ya kobre+ leyi a yi lehe 8,9 wa mametru, yi yanama 8,9 wa mametru, yi tlakuka 4,5 wa mametru.
2 A yendle tanki lalikulu la mati+ hi kobre. A li yendle li va la redondu, nomo wa lona a wu pfuleke kolomuyani ka 5 wa mametru, li gama li leha kolomuyani ka mametru mambirhi, se tanki hinkwalu a li pfuleke kolomuyani ka 13 wa mametru.+
3 Ka matlhelo hinkwawu a li sasekisiwe hi swifaniso swa marhanga*+ ahansi ka lona, a ku yendliwe 10 wa swifaniso swa marhanga ka ndhawu leyi ringanaka 44,5 wa masentimetru ka matlhelo hinkwawu ya tanki. A ku ni mafila mambirhi ya swifaniso swa marhanga lawa ma nga yendliwa ka tanki.
4 A tanki a li tlhatekiwe henhla ka 12 wa swifaniso swa tihomu+ leswi a swi yendliwe hi kobre. Swifaniso swinharhu a swi txuvuke ka tlhelo la norte,* swinharhu a swi txuvuke ka tlhelo la wupeladlambu, swinharhu a swi txuvuke ka tlhelo la sul,* swinharhu a swi txuvuke ka tlhelo la le wuxeni; a tanki a li le henhla ka swona naswona mintxila ya swona a yi txuvukanile hansi ka lona.
5 Hi ku kula* ka lona a li ni kolomuyani ka 7 wa masentimetru;* nomo wa lona a wu fana ni nomo wa kopo, a wu tshame ku fana ni xiluva lexi vitaniwaka khon’wa. A tanki leli a li chela mati ya ku ringana 66.000 wa malitru.*
6 A tlhele a yendla 10 wa mabaziya ya ku hlampsela ka wona, a 5 a ma veka ka tlhelo la xinene, a 5 a ma veka ka tlhelo la ximatsi.+ A va hlampsa minchumu leyi a yi tirhisiwa loko ku yendliwa gandzelo la ku hisiwa+ ka mabaziya lawa. Kambe a tanki la mati a li tirhisiwa hi vaprista swaku va hlamba minenge ni mavoko.+
7 Se a yendla 10 wa swa ku tlhoma swa ku voninga hi swona swa woru,+ hi ku ya hi leswi a a fanele a swi yendlisa xiswona+ a gama a swi veka atempeleni, 5 wa swona a swi li ka tlhelo la xinene kasi leswin’wani swa 5 a swi le ka tlhelo la ximatsi.+
8 A yendle ni 10 wa mimeza, a yi veka ka tempele, a 5 a yi veka ka tlhelo la xinene kasi leyin’wani ya 5 ka tlhelo la ximatsi;+ a yendle ni 100 wa swibya swa woru.
9 A tlhele a yendla ni kintari*+ wa vaprista+ ni kintari wawukulu+ ku patsa ni swipfalu swa mikintari. A swipfalu leswi a swi namekete kobre.
10 Kutani a veka tanki ka tlhelo la xinene la tempele, hi ka tlhelo la le wuxeni.+
11 Hirami a tlhele a yendla swa ku wolela nkuma, mafoxolo ni matijela.+
A heta ntirho lowu a a wu yendlela Hosi Solomoni ka yindlo ya Xikwembu xa ntiyiso+ ku nga
12 mapilari mambirhi+ ni minchumu ya ku sasekisa hi yona ya ku fana ni matijela leyi a yi li henhla ka mapilari lawa mambirhi, maredi mambirhi+ lawa a ma funengete minchumu yimbirhi ya ku sasekisa hi yona ya ku fana ni matijela leyi a yi li henhla ka mapilari,
13 400 wa swifaniso swa ma romã+ leswi a swi yendleliwe ku sasekisa maredi* mambirhi, a redi ni redi a li ni mafila mambirhi ya swifaniso swa ma romã, swa ku funengeta minchumu yimbirhi ya ku sasekisa hi yona ya ku fana ni matijela leyi a yi li henhla ka mapilari,+
14 10 wa swikarinyani ni 10 wa mabaziya lawa a ma li henhla ka swona,+
15 tanki la kobre ni 12 wa tihomu leti a ti li hansi ka lona,+
16 swa ku wolela hi swona nkuma, mafoxolo, magarfu+ ni swibya hinkwaswu leswi nga yendliwa hi kobre la ku phatima leswi Hiramibivi+ a nga swi yendlela Hosi Solomoni, swaku swi ta tirhisiwa ka yindlo ya Yehovha.
17 A hosi yi rhumise swaku swibya hinkwaswu swi yendliwa ka ndhawu ya Yordani axikarhi ka Sukoti+ na Zereda. Swi yendliwe hi forma la ku yendliwa hi vumba la ku tiya.
18 Solomoni a yendle swibya leswi hinkwaswu na swi li swinyingi hintamu; leswaku a kobre a li peza makilu mangaki a swi nga tiviwi.+
19 Solomoni a yendle swibya hinkwaswu+ swa tempele ya Xikwembu xa ntiyiso ku nga altari la woru,+ mimeza+ ya ku veka pawu la ku kwetsima ka yona,+
20 swa ku tlhoma swa ku voninga hi swona ni swa ku voninga swa kona swa ku yendliwa hi woru la ku tenga,+ swaku swi tlhavikiwa* aphambheni ka Ndhawu Ya Ku Kwetsima Hintamu hi ku landza minawu ya kona,
21 swiluva, swa ku voninga hi swona ni swa ku khoma tingoti ta xa ku voninga hi xona, hinkwaswu a swi yendliwe hi woru la ku tenga hintamu,
22 swa ku tima ndzilu, matijela, tikopo ni swa ku chela ka swona ndzilu swa ku yendliwa hi woru la ku tenga, tinyanghwa ta tempele, swipfalu swa Ndhawu Ya Ku Kwetsima Hintamu+ ni swipfalu swa tempele, hinkwaswu a swi yendliwe hi woru.+
Tinhlamunselu ta le hansi
^ I nchumu xa ku fana ni kwembe kumbe abóbora kambe na xi li xitsongo.
^ Kumbe: “n’walungu”.
^ Kumbe: “dzongeni”.
^ Hi Xiheberu: “ku yanama ka 4 wa tintiho.” Vona Xiyengetelo B14.
^ Hi Xiheberu: “3.000 wa tibati.” Vona Xiyengetelo B14.
^ Kumbe: “espessura; ku tsindzihela; ku bubula”.
^ Vona Ntlhamuselo.
^ Kumbe: “tinkoka”.
^ Kumbe: “layithiwa; lumekiwa”.
