Pedru Wa Wumbirhi 1:1-21
1 Mina Simoni Pedru, ni nga mutirheli ni mupostolo wa Yesu Kreste, ni tsalela lava nga kuma lipfumelo la lisima la ku fana ni la hina hi mhaka ya ku lulama ka Xikwembu xa hina na Yesu Kreste Muponisi, ni ku:
2 Ni navela swaku mi yengeteliwa timpsalu tatikulu ni ku rhula hileswi mi wu tivaka kahle ntiyiso+ hi Xikwembu na Yesu Hosi ya hina,
3 hikusa matimba ya xona ma hi nyike swilo hinkwaswu leswaku hi kota ku hanya ni leswaku hi tinyiketela ka xona, hileswi hi tivaka ntiyiso hi Lweyi a nga hi vitana+ hi ku phatima ka yena ni wunene.
4 Hi mhaka ya swilo leswi, a hi nyike switshembiso swa lisima swaswikulu+ leswaku hi mhaka ya swona mi ta phatima ku fana ni Xikwembu,+ hileswi mi nga tshika swilo swa ku biha leswi yendliwaka hi misava hi mhaka ya ku navela swa ku biha.
5 Hi mhaka leyi, zamani+ ku yengetela wunene ka lipfumelo la n’wina,+ ka wunene mi yengetela wutivi,+
6 ka wutivi mi yengetela ku tikhoma,+ ka ku tikhoma mi yengetela ku tiyisela, ka ku tiyisela mi yengetela ku tinyiketela ka Xikwembu,+
7 ka ku tinyiketela ka Xikwembu mi yengetela ku rhandza vamakwenu, ka ku rhandza vamakwenu mi yengetela ku rhandza vanhu hinkwavu.+
8 Hikusa loko mi li na swona swilo leswi, swi tala swi tlhela swi halakela, swi ta yendla swaku mi nga lolohi kumbe mi nga veki mihandzu+ ka wutivi la ntiyiso leli mi nga na lona hi Hosi ya hina Yesu Kreste.
9 Hikusa lweyi a pfumalaka swilo leswi, a fe matihlo, a tipfala matihlo swaku a nga voni ku vonakala+ naswona wa khohlwa swaku swidjoho swa yena swi basisiwe+ khale swinene.
10 Kutani vamakwerhu, lwelani ku tshama mi tshembekile leswaku mi tshama na mi li xikarhi ka lava Xikwembu xi nga va vitana+ ni ku va langa, hikusa loko mi tama mi yendla swilo leswi, a mi nge tshuki mi wa.+
11 Loko mi yendla leswo mi ta pfumeleliwa ku nghena ka Mfumu+ wa Hosi ni Muponisi wa hina Yesu Kreste+ lowu nga ta va kona hi masiku ni masiku.
12 Kutani ni tinyimisele ku tshamela ku mi khumbukisa timhaka leti, hambileswi se mi ti tivaka mi tlhela mi tiya ka ntiyiso lowu mi nga wu djondza.
13 Kambe na na ha li ka tabernakela*+ leyi, ni swi vona na swi lulamile ku mi khumbukisa leswaku ni mi pfuna,+
14 hikusa na swi tiva swaku ku sale nkama wawutsongo swaku tabernakela ya mina yi ta susiwa, hilani Hosi ya hina Yesu Kreste a nga ni byela hi kona.+
15 Ni ta zama ku mi khumbukisa hilani ni nga kotaka hi kona leswaku loko se ni nga ha li kona, mi kota ku sala mi swi khumbuka* swilo leswi.
16 Nkama hi nga mi byela hi ta matimba ni nkama wa ku vuya ka Hosi ya hina Yesu Kreste, a ku nga li hi leswi hi nga twa mavalivali, kambe a hi li timboni leti nga ku vona hi matihlo ku phatima ka yena kakukulu.+
17 Hikusa a yamukele ku hlonipheka ni ku tlakuka ka Xikwembu lexi nga Papayi, nkama marito lawa ma nga vuliwa ka yena hi ku dzuneka kakukulu swinene, lama nge: “Lweyi i N’wananga, lweyi ni mu rhandzaka, lweyi ni mu yamukelaka.”+
18 Marito lawa hi ma twe na ma huma hi le tilweni nkama a hi li na yena ka ntshava ya ku kwetsima.
19 Kutani hi ni rito la wuprofeta leli nga tiyisekisiwa swinene naswona mi yendla kahle loko mi li tekela nhlokweni ku fana ni livoni+ leli voningaka ka ndhawu ya munyama (anze li ya ku xeni kutani nyeleti ya nimixo+ yi huma) ka timbilu ta n’wina.
20 Mi swi tiva kahle swaku a ku na wuprofeta la Matsalwa leli taka hi ka vanhu,
21 hikusa wuprofeta a li vanga kona hi ku rhandza ka munhu,+ kambe vanhu a va vulavula leswi taka hi ka Xikwembu na va kongomisiwa hi moya wa ku kwetsima.+
