Loko u ri edzonga vupeladyambu u langute en’walungwini u vona Nambu wa Sterling Forest. Laha ku akiwaka kona, i makamara ya le hansi ya muako wo tshama eka wona wa D. Ekusuhi ni nambu, ku cheriwa xilebe xa muako wo tshama eka wona wa C.

Vatirhi va hlanganisa switirhisiwa leswi nga ta hoxiwa eka makamara yo hlambela eka wona ya miako yo tshama eka yona. Switirhisiwa leswi loko swi hlanganisiwa swi katsa tifireme, makhumbi ya bodo, tiphayiphi ta mati, gezi, swo nghenisa moya ni mabavhu yo hlambela eka wona. Mabavhu ma ta hoxiwa loko swilo leswi hinkwaswo swi herile.

Vatirhi va ri karhi va hoxa tiphayiphi ta mati ekamareni ra le hansi. Hi nkarhi wo aka, xiphemu lexi xa muako xi ta tirhisiwa hi vanhu va kwalomu ka 500 ku dyela kona naswona tindhawu tin’wana ta muako lowu ti ta tirhisiwa hi vanhu va 300. Loko tsima ro aka ri ri kusuhi ni ku hela, tindhawu leti to dyela ta nkarhinyana ti ta lunghisiwa leswaku ndhawu leyi yi lunghekela ntirho wa yona wo lunghisela timovha.

Vatirhi va ri karhi va chela misava leyi nonisiweke ehenhla ka lwangu. Eka lwangu leri ku ta byariwa swimilani leswi nga ta hunguta ku tirhisiwa gezi ro tala ni ku hunguta ku onha loku a ku ta endliwa hi mpfula ni ku hluta mati lama thyakisiweke ya mpfula.

Muako lowu wu ta vumbiwa hi miako yinharhu leyi hlanganisiweke leyi nga ta ringana swikweremitara swa 42 000. Vatirhi va kontraka va tiyisa muako lowu hi tiphuphu ta nsimbi.

Vatirhi va ri karhi va fulela muako. Mabandi lama va titsimbeke hi wona ma va sirhelela leswaku va nga wi.

Ku ri karhi ku nghenisiwa swilo swo tanihi tihitara ni swo berisa moya. Kwalomu ka tiphesente ta 35 ta Timbhoni leti tirhaka eWarwick i vavasati.

Muako lowu, lowu xaviweke hi February 2014, wu tirhiseriwa ku veka nhundzu ni ku hlanganisa swilo leswi nga ta tirhisiwa eka tsima ro aka. Wu ni ndhawu leyi ringanaka swikweremitara swa 20 000. Swilo swo basa leswi nga ehenhla hi tlhelo ra le xineneni ra xifaniso lexi, i swilo leswi nga ta hoxiwa eka makamara yo hlambela eka wona naswona swi yimele ku rhumeriwa.

Laha hi le tlhelo ra n’walungu vupeladyambu ra muako. Eka muako lowu ku ta tshama vanhu va kwalomu ka 200 lava tirhaka entsindza. Makamara yo tala ma ringana swikweremitara swa 30 ku ya ka 55 hi ku kula naswona ma katsa khixi, kamara ro hlambela ni rikupakupa lerintsongo.

Ku ri karhi ku lunghisiwa rivala leri ku nga ta akiwa eka rona. Le henhla hi tlhelo ra le ximatsini, muchini wu ri karhi wu faya maribye lama nga ta tirhisiwa enkarhini lowu taka. Loko tsima hinkwaro ro aka ri fike emakumu, misava yo ringana tikhubiki mitara ta 260 000 yi ta va yi susiwile laha ku akiwaka kona. Siku ni siku ku tirhisiwa tigandaganda to tleketla misava ta 23.

Ku ri karhi ku byariwa swimilani elwangwini.

Xifaniso lexi xi tekiwe ehenhla ka crane leyikulu loko u langute edzonga vupeladyambu ehenhla ka muako wa tihofisi. Ehansi hi tlhelo ra ximatsi i ndhawu yo paka timovha ta vaendzi leyi hetiweke ku akiwa naswona siku ni siku yi tala hi timovha ta vatirhi. Timbhoni tin’wana ti chayele tiawara ta kwalomu ka 12 leswaku ti ta pfuna ku ringana masiku manharhu kumbe ya mune.

Ntirho wo endla ndhawu yo dyela ya nkarhinyana wu le kusuhi ni ku hela. Swikrini ni swipikara leswi nga hoxiwa eka silingi swi ta endla leswaku vatirhi va yingisela nongonoko wa tsalwa ra siku ni minongonoko yin’wana ya dyondzo ya Bibele ku suka eBethele ya le United States.

Xithezi xo sungula xi cheriwa khonkhireti. Exineneni, mutirhi a ri karhi a tirhisa muchini ku endlela leswaku khonkhireti yi hlangana kahle.

Ku ri karhi ku hoxiwa tiphayiphi ta gezi exikarhi ka muako, leti nga ta funengetiwa hi khonkhireti.

Ku cheriwa ka khonkhireti eka xithezi xo sungula ku le kusuhi ni ku hela. Laha hi kona laha ku nga cheriwa khonkhireti yo tala eka tsima ro aka ku ta fikela sweswi, ku cheriwe kwalomu ka 540 wa tikhubiki mitara. Khonkhireti leyi yi endliwe endhawini yin’wana kutani yi tisiwa hi tilori ta nhungu to hlanganisa khonkhireti ni michini yimbirhi yo koka khonkhireti, khonkhireti leyi loko yi cheriwa yi tekeke kwalomu ka tiawara ta ntlhanu ni hafu. Exikarhi ka xifaniso ku yime khumbi ra switepisi swin’wana swa muako.

Ku ri karhi ku akiwa guva elwangwini. Kasi hi le hansi, ku akiwa makamara yo tshama eka wona ya A.

Ku ri karhi ku tlakuriwa xikamarana xo hlambela eka xona hi crane xi yisiwa eka xithezi xa vunharhu. Tsima ro aka ra le Warwick ri tirhisa switirhisiwa leswi endliweke ka ha ri emahlweni ku aka hi swona, leswaku ku hungutiwa ntlimbano laha ku akiwaka kona ni ku hatlisisa ntirho.

Tikontraka ti ri karhi ti nghenisa makhumbi. Makhumbi lawa a ya lavi ku pendiwa naswona swa olova ku ma lunghisa. Ma nghenisiwa hi xihatla naswona leswi swi ta pfuna leswaku tsima ro aka ri hetiwa hi xihatla.

U langute u ri dzonga vupeladyambu. Ku ri karhi ku lunghiseleriwa khonkhireti ya xithezi lexi landzelaka xa muako wo tshama wa D naswona endzhaku ka muako lowu, muako wo tshama wa C wu le kusuhi ni ku hela ku akiwa.