I Mavito Ya Vamani Lama Tsariweke “Ebukwini Ya Vutomi”?
Nhlamulo ya Bibele
‘Buku ya vutomi’ leyi nakambe yi vuriwaka “buku-nsongwa ya vutomi” kumbe “buku ya xitsundzuxo,” yi ni mavito ya vanhu lava nga ta kuma vutomi lebyi nga heriki. (Nhlavutelo 3:5; 20:12; Malakiya 3:16) Xikwembu hi xona xi tsalaka mavito wolawo hi ku ya hi vutshembeki bya munhu eka xona.—Yohane 3:16; 1 Yohane 5:3.
“Hi mpfhuka misava yi va kona,” Xikwembu xi hambeta xi hlayisa malandza ya xona yo tshembeka emianakanyweni ya xona onge hiloko xi tsala mavito ya wona ebukwini. (Nhlavutelo 17:8) Swi tikomba onge wanuna wo tshembeka Avele hi yena wo sungula ku tsariwa ebukwini ya vutomi. (Vaheveru 11:4) Hambiswiritano, a ko va ni nxaxamelo wa mavito hikuva buku ya vutomi yi kombisa leswaku Yehovha i Xikwembu xa rirhandzu lexi ‘tivaka lava nga va xona.’—2 Timotiya 2:19; 1 Yohane 4:8.
Xana mavito ma nga suriwa “ebukwini ya vutomi”?
Ina. Xikwembu xi vule leswi malunghana ni vanhu lava nga yingisiki va le Israyele wa khale: “Mani na mani la ndzi dyoheleke ndzi ta n’wi sula ebukwini ya mina.” (Eksoda 32:33) Loko hi hambeta hi tshembeka, mavito ya hina ma ta tshama ma tsariwile eka “buku-nsongwa ya vutomi.”—Nhlavutelo 20:12.
U Nga Ha Tsakela
SWIVUTISO LESWI HLAMURIWAKA HI BIBELE
Xana U Nga Hanya Njhani Hilaha Ku Nga Heriki?
Bibele yi tshembisa leswaku lava va endlaka ku rhandza ka Xikwembu va nga hanya hilaha ku nga heriki.
TINHLAMUSELO TA TIVHESE TA BIBELE
Nhlamuselo Ya Yohane 3:16—“Hikuva Xikwembu Xi Rhandze Misava Swinene.”
Yehovha Xikwembu u swi kombise njhani leswaku u rhandza un’wana ni un’wana wa hina naswona u lava leswaku hi hanya hilaha ku nga heriki?
XIHONDZO XO RINDZA
Hi Nga Tiyiseka Njhani Leswaku Ku Ta Va Ni Ku Pfuxiwa Ka Lava Feke?
Bibele yini swivangelo swimbirhi leswi twalaka swa ku va hi tshemba leswaku vafi va ta pfuxiwa.
SWIVUTISO LESWI HLAMURIWAKA HI BIBELE
I Yini Ku Pfuxiwa Ka Vafi?
Swi nga ha ku hlamarisa ku twa leswaku i vamani lava nga ta pfuxiwa enkarhini lowu taka.
TIDYONDZO TA BIBELE
Ringeta Dyondzo Ya Hina Ya Bibele
Kuma dyondzo ya Bibele ya mahala leyi katsaka wena ni mudyondzisi wa wena.