Rito ra Xikwembu ri hi nyika leswi hi swi lavaka leswaku hi kota ku langutana ni miringo eka masiku lawa ya nonon’hwa yo hetelela. (2Tm 3:1, 16, 17) Hambiswiritano, mikarhi yin’wana hi nga ha lava mpfuno wo kuma misinya ya milawu ya Bibele leyi nga hi pfunaka eka xiyimo xo karhi. Hi xikombiso, xana u mutswari loyi a lavaka switsundzuxo swa ndlela yo kurisa vana? Xana u muntshwa loyi ripfumelo rakwe ri ringiwaka? Xana u ni gome hileswi u feriweke hi nsati kumbe nuna? Eka jw.org/ts u ta kuma rungula ro karhi leri nga ni misinya ya milawu ya Bibele leyi nga ku pfunaka eka swiyimo leswi ni swin’wana swo tala.—Swiv 2:3-6.

Eka tlukankulu ra jw.org/ts yana eka TIDYONDZO TA BIBELE (Vona xifaniso 1.) Hlawula leyi u lavaka yona eka nxaxamelo lowu humelelaka. Kumbe u ya eka LAYIBURARI > NXAXAMELO WA MIKANDZIYISO kutani u hlawula leyi u lavaka yona. (vona xifaniso 2.) U nga ha tlhela u swi kuma ni le ka JW Library^®. a U ta tiphina hi ku languta swihloko leswi kumekaka kwalaho. Endlelo rin’wana i ku tirhisa xiyenge xa secha eka jw.org/ts.

Secha tinhlokomhaka leti landzelaka kutani u tsala ehansi swihloko leswi u nga tsakelaka ku swi hlaya.

• Ndlela yo kurisa vana

• Ntshikilelo wa mianakanyo eka vantshwa

• Ku feriwa hi munghana wa vukati