Bibele yi tamele marito ni mianakanyo ya Yehovha Xikwembu, ku nga yena Mutsari wa buku leyi yo kwetsima. (2Pe 1:20, 21) Bibele yi tshembisa vanhu hinkwavo leswaku ku nga ri khale va ta tiphina hi vutomi, hikuva yi vula leswaku Xikwembu xi ni mfanelo yo fuma hi ku tirhisa Mfumo wa xona. Nakambe Bibele yi hi byela leswaku Tata wa hina loyi a nga ematilweni Yehovha u ni rirhandzu.—Ps 86:15.

Hinkwerhu hi teka Rito ra Xikwembu ri ri ra nkoka hikwalaho ka swivangelo swo hambanahambana. Xana ha swi kombisa leswaku hi teka Bibele yi ri nyiko ya nkoka hi ku yi hlaya siku ni siku kutani hi tirhisa leswi hi swi hlayeke evuton’wini bya hina? Onge swiendlo swa hina swi nga kombisa leswaku hi ti twa ku fana ni Mupisalema loko a ku: “Ndzi wu rhandza swinene nawu wa wena!”—Ps 119:97.

HLALELANI VHIDIYO LEYI NGE BIBELE A YI RI YA NKOKA EKA VONA(WILLIAM TYNDALE), KUTANI MI HLAMULA SWIVUTISO LESWI LANDZELAKA:

• Hikwalaho ka yini William Tyndale a hundzuluxele swiphemu swa Bibele?

• Hikwalaho ka yini matshalatshala yakwe yo hundzuluxela Bibele ma nga ta ka ma nga rivariwi?

• Tibibele leti hundzuluxeriweke hi Tyndale ti ngungumerisiwe njhani ti ya fika eNghilandhi?

• Xana hi nga swi kombisa njhani leswaku Rito ra Xikwembu hi ri teka ri ri ra nkoka?