Tinhlamulo Ta Swivutiso Swa Bibele
Xana lava feke va ta tlhela va hanya?
Surely the Creator of life can restore life
Yehovha Xikwembu i Munyiki wa vutomi. (Pisalema 36:9) Xana swa tshembisa leswaku Xikwembu xi ta va pfuxa lava feke? Bibele ya hi tiyisekisa leswaku Yehovha u ta va pfuxa enkarhini lowu taka. (Hlaya Mintirho 24:15) Kambe ha yini a va pfuxa?
Ku sukela eku sunguleni, Muvumbi wa hina a a lava leswaku vanhu va hanya hilaha ku nga heriki laha misaveni. (Genesa 1:31; 2:15-17) Ni sweswi wa ha lava sweswo. Swi n’wi twisa ku vava ku vona vutomi bya hina byi tale hi swiphiqo, byi tlhela byi hela hi ku hatlisa ku fana ni hunguva.—Hlaya Yobo 14:1, 14, 15.
Lava nga ta pfuxiwa va ta ya hanya kwihi?
Xana Xikwembu xi vumbe vanhu leswaku va ya hanya etilweni? Doo! Xikwembu xi tumbuluxe tintsumi leswaku ti tshama etilweni, kasi vanhu xi va vumbele ku hanya emisaveni. (Genesa 1:28; Yobo 38:4, 7) Anakanya hi ku pfuxiwa ka vafi loku Yesu a ku endleke. Lava a va pfuxeke u va pfuxele laha misaveni. Hilaha ku fanaka, lava nga ta pfuxiwa enkarhini lowu taka va ta pfuxeriwa ku hanya laha emisaveni.—Hlaya Yohane 5:28, 29; 11:44.
Kambe, Xikwembu xi hlawule vanhu va nga ri vangani lava nga ta hanya etilweni va ri ni miri ya moya. (Luka 12:32; 1 Vakorinto 15:49, 50) Lava nga ta pfuxeriwa ku ya hanya etilweni, va ta fuma misava tanihi tihosi na Kreste.—Hlaya Nhlavutelo 5:9, 10.
U Nga Ha Tsakela
XIHONDZO XO RINDZA
Hi Nga Tiyiseka Njhani Leswaku Ku Ta Va Ni Ku Pfuxiwa Ka Lava Feke?
Bibele yini swivangelo swimbirhi leswi twalaka swa ku va hi tshemba leswaku vafi va ta pfuxiwa.
SWIVUTISO LESWI HLAMURIWAKA HI BIBELE
I Yini Ku Pfuxiwa Ka Vafi?
Swi nga ha ku hlamarisa ku twa leswaku i vamani lava nga ta pfuxiwa enkarhini lowu taka.
SWIVUTISO LESWI HLAMURIWAKA HI BIBELE
I Vamani Lava Yaka eTilweni?
Mavunwa ya leswaku vanhu hinkwavo lavanene va ya etilweni ma dumile. Bibele yi ri yini hi mhaka leyi?
