“Xana Vanhu Va Ta Yi Onha Misava Leyi?”

● Ku sukela empfhukeni, pulanete ya Misava yi vonaka yi sasekile yi ri ndzalama ya wasi ni yo basa. Kambe valavisisi va vula leswaku kaya ra hina ri le khombyeni. Ha yini? Nhlamulo yi olovile: Vanhu va hanya evuswetini. Ku engetela kwalaho, va onha misava, ku nga ri hi ku thyakisa moya ntsena ni ku tsemelela mirhi kambe va tlhela va endla leswaku vanhu va hanya hi ndlela yo biha naswona a va na mhaka ni ku va ni vuxaka lebyinene ni Xikwembu. Leswi swi endla leswaku va vanga madzolonga, va halata ngati ni ku tikhoma hi ndlela yo biha hi tlhelo ra rimbewu.

Xiyimo lexi xo biha xi profetiwile emalembeni ya kwalomu ka gidi lama hundzeke eka vuprofeta lebyi hlamarisaka lebyi tsariweke eBibeleni. (2 Timotiya 3:1-5; Nhlavutelo 11:18) Nakambe Bibele yi profete leswaku Xikwembu—ku nga ri munhu wo karhi—xi ta lulamisa timhaka hi ku helela. Timhaka leti hinkwato ti ta tlhuvutsiwa eka nkulumo ya le rivaleni leyi nge “Xana Vanhu Va Ta Yi Onha Misava Leyi?” Nkulumo leyi yi ta nyikeriwa eNtsombanweni wa Muganga wa Timbhoni ta Yehovha lowu nga ni nhloko-mhaka leyi nge “Mfumo Wa Xikwembu A Wu Te!” lowu nga ta khomiwa emisaveni hinkwayo naswona laha Afrika Dzonga wu ta sungula hi September.

Wa rhambiwa leswaku u va kona eka ntsombano lowu nga ta khomiwa ekusuhi ni laha u tshamaka kona. Loko u lava vuxokoxoko lebyi engetelekeke, hi kombela u tihlanganisa ni Timbhoni ta Yehovha ta le ndhawini ya ka n’wina, kumbe u tsalela vakandziyisi va magazini lowu. Website leyi nge www.jw.org yi longoloxe tindhawu leti mintsombano leyi yi nga ta khomeriwa eka tona emisaveni hinkwayo.