Mfumo Wa Xikwembu I Yini?
Xana u nga vula leswaku i . . .
-
nchumu wun’wana lowu nga embilwini ya wena?
-
nchumu lowu ngo ehleketiwa ntsena?
-
hulumendhe leyi nga etilweni?
LESWI BIBELE YI SWI VULAKA
“Xikwembu xa le tilweni xi ta veka mfumo lowu wu nga ta ka wu nga lovisiwi.”—Daniyele 2:44, Vuhundzuluxeri Bya Misava Leyintshwa.
“Hi nyikiwe n’wana wa jaha; naswona [hulumendhe yi] ta va ekatleni ra yena.”—Esaya 9:6.
LESWI SWESWO SWI NGA VULAKA SWONA EKA WENA
-
Mfumo wo lulama lowu nga ta ku vuyerisa hi ku kongoma.—Esaya 48:17, 18.
-
Emisaveni leyintshwa leyi taka vanhu va ta va ni rihanyo lerinene ni ntsako.—Nhlavutelo 21:3, 4.
XANA HI NGA SWI TSHEMBA HAKUNENE LESWI BIBELE YI SWI VULAKA?
Ina, hikwalaho ka swivangelo swimbirhi ntsena:
-
Yesu u kombise leswi Mfumo wa Xikwembu wu nga ta swi endla. Yesu u dyondzise valandzeri vakwe ku khongelela Mfumo wa Xikwembu leswaku wu ta nileswaku ku rhandza ka Xikwembu ku endleka emisaveni. (Matewu 6:9, 10) Yesu u kombise ndlela leyi xikhongelo xexo xi nga ta hlamuriwa ha yona.
Loko Yesu a ha ri laha misaveni u phamele lava nga ni ndlala, a horisa lava vabyaka ni ku pfuxa lava feke! (Matewu 15:29-38; Yohane 11:38-44) Leswi Yesu a nga ta va Hosi eMfun’weni wa Xikwembu, u kombise leswi Mfumo wolowo wu nga ta swi endlela lava nga ta fumiwa hi wona.—Nhlavutelo 11:15.
-
Swiendlakalo leswi nga emisaveni swi kombisa leswaku Mfumo wa Xikwembu wu ta fika ku nga ri khale. Yesu u profete leswaku loko Mfumo wa Xikwembu wu nga si tisa ku rhula emisaveni, misava yi ta hlaseriwa hi tinyimpi, tindlala ni ku tsekatseka ka misava.—Matewu 24:3, 7.
Namuntlha swiendlakalo sweswo swi le ku humeleleni. Hikwalaho hi nga tiyiseka leswaku Mfumo wa Xikwembu wu ta swi herisa hinkwaswo swiphiqo sweswo ku nga ri khale.
XIVUTISO XO ANAKANYISISA HA XONA
Xana vutomi byi ta va njhani ehansi ka Mfumo wa Xikwembu?
Bibele yi hlamula xivutiso xexo eka TIPISALEMA 37:29 na ESAYA 65:21-23.
U Nga Ha Tsakela
ESSENTIAL BIBLE TEACHINGS
Mfumo Wa Xikwembu I Yini?
Eka vutirheli byakwe bya laha misaveni, Yesu u dyondzise hi Mfumo wa Xikwembu ku tlula swilo hinkwaswo. Se swi endla malembe yo tala valandzeri vakwe va khongelela Mfumo leswaku wu ta.
XIHONDZO XO RINDZA
I Yini Leswi Mfumo Wa Xikwembu Wu Nga Ta Swi Endla?
Yesu a a swi tiva leswaku Mfumo wa Xikwembu hi wona ntsena lowu nga herisaka swiphiqo swa vanhu laha misaveni. I yini leswi Mfumo wolowo se wu swi endleke leswaku wu tiyisa ntshembo wa hina?
SWIVUTISO LESWI HLAMURIWAKA HI BIBELE
Ku Ta Tisa Ku Yini Ku Rhula Emisaveni?
Dyondza ndlela leyi Xikwembu xi nga ta ku tisa ha yona ku rhula emisaveni hi ku tirhisa Mfumo wa xona.
XIHONDZO XO RINDZA
Mfumo Wa Xikwembu
Swilo swa tsevu swa Mfumo wolowo leswi tiyisekisaka leswaku a wu nge pfuki wu ve ni vukanganyisi.
MALUNGHANA NA HINA
Ha Yini U Fanele U Dyondza Bibele?
Bibele yi le ku pfuneni ka vanhu va timiliyoni emisaveni hinkwayo leswaku va kuma tinhlamulo ta swivutiso swa nkoka evuton’wini. Xana na wena u nge tsakeli leswaku yi ku pfuna?
TIDYONDZO TA BIBELE
Ringeta Dyondzo Ya Hina Ya Bibele
Kuma dyondzo ya Bibele ya mahala leyi katsaka wena ni mudyondzisi wa wena.
