Ha yini Yehovha a tise ndhambi leswaku yi herisa misava ya le nkarhini wolowo? Eku sunguleni ka matimu ya vanhu, ku sungule nyimpi, exikarhi ko endla leswinene ni leswo biha. Vanhu van’wana vo tanihi Adamu, Evha ni n’wana wa vona Kayini, va hlawule ku endla swilo swo biha. Kasi van’wana, vo fana na Avele na Nowa, va hlawule ku endla leswinene. Vanhu vo tala va sungule ku endla swilo swo biha lerova Yehovha a herisa misava yoleyo yo biha. Xiyenge lexi xi ta hi pfuna ku tiva leswaku Yehovha wa swi kota ku vona leswi hi swi hlawulaka ni leswaku a nge pfuki a pfumerile leswaku leswo biha swi hlula leswinene.