The Catholic News Service yi vula leswaku, hi nkarhi wa nkhuvo wa le St. Peter’s Basilica, lowu a wu ri hi ti 25 ta March 2022, Mubixopo Francis a a ‘khinsame emahlweni ka xifaniso xa Mariya, a pfale mahlo ni ku khongela hi rito ra le hansi.’ U “khongele eka Mariya leswaku a n’wi nyika ku rhula.” Xiviko xa mahungu xa Vatican xi vula leswaku “Mubixopo u khongelele Xiendlo xo Kwetsima xa vumunhu eka Mbilu ya Mariya Leyi Nga Riki Ni Xidyoho, u khongelele ngopfu tiko ra Rhaxiya ni ra Ukraine.”

 U swi vona njhani? Xana i swinene ku khongela eka swifaniso kumbe ku swi tirhisa loko hi gandzela? Xiya matsalwa ya le Bibeleni lama landzelaka:

•   “Mi nga tshuki mi tiendlela xifaniso lexi vatliweke kumbe xifaniso xo karhi xa nchumu lowu nga ematilweni, kumbe emisaveni kumbe lowu nga ematini ehansi ka misava. Mi nga tshuki mi swi khinsamela kumbe mi yengeka ku swi tirhela, hikuva mina Yehovha Xikwembu xa n’wina, ndzi Xikwembu lexi lavaka leswaku ku gandzeriwa xona ntsena.”—Eksoda 20:4, 5. a

•   “Swikwembu swa vona i silivhere ni nsuku, swi endliwe hi munhu. Swi ni nomu kambe a swi vulavuli; swi ni mahlo kambe a swi voni; swi ni tindleve kambe a swi twi; swi ni nhompfu kambe a swi nun’hweteli; swi ni mavoko kambe a swi koti ku khoma; swi ni milenge kambe a swi koti ku famba; nkolo wa swona a wu humesi mpfumawulo. Vanhu lava swi endlaka va ta fana na swona, ni hinkwavo lava va swi tshembaka.”—Pisalema 115:4-8.

•   “Hi mina Yehovha. Rero i vito ra mina; ku vangama ka mina a ndzi ku nyiki un’wana, ni ku dzuneka ka mina a ndzi nge ku nyiki swifaniso leswi vatliweke.”—Esaya 42:8, nhlamuselo ya le hansi.

•   “Papalatani ku gandzela swikwembu swa hava.”—1 Vakorinto 10:14.

•   “Papalatani ku gandzela swifaniso.”—1 Yohane 5:21.

 Leswaku u kuma leswi engetelekeke mayelana nileswi Bibele yi swi vulaka hi ku tirhisa swifaniso loko hi gandzela, hlaya nhlokomhaka leyi nge: “Langutelo Ra Bibele—Swifaniso” kumbe u hlalela vhidiyo leyi nge, Xana Xikwembu Xi Lava Hi Xi Gandzela Hi Ku Tirhisa Swifaniso?

 U nga ha tsakela ku tiva leswaku, Bibele yi ri yini hi tinhlokomhaka leti:

•   “Xana Bibele Yi Ri Yini Hi Wanhwana Mariya?”

•   “Langutelo Ra Bibele Xana U Fanele U Khongela Eka Wanhwana Mariya?”

•   “Miracles and Apparitions—Signs From God?”

•   “Ku Ta Tisa Ku Yini Ku Rhula Emisaveni?”

Photo credit: Vincenzo Pinto/AFP via Getty Images