Tipisalema 77:1-20
Eka mufambisi wa Yedutani.* Pisalema ya Asafa.+ Miloti.
77 Ndzi ta huwelela Xikwembu;Ndzi ta huwelela Xikwembu naswona xi ta ndzi twa.+
2 Ndzi lavisise Yehovha loko ndzi ri emaxangwini.+
Ndzi n’wi tlakusele mavoko vusiku hinkwabyo.
A ndzi chaveleleki.
3 Ndza konya loko ndzi tsundzuka Xikwembu;+Ndza karhateka naswona a ndzi na matimba.+ (Selah)
4 U khoma tinxiyi ta mina ti tshama ti pfulekile;Ndza karhateka naswona ndzi tsandzeka no vulavula.
5 Ndzi anakanya hi masiku ya khale,+Malembe ya khale ka khaleni.
6 Ndzi tsundzuka risimu* ra mina nivusiku;+Ndza anakanyisisa;+Ndzi lavisisa hi vukheta.
7 Xana Yehovha u ta hi cukumeta hilaha ku nga heriki?+
Xana a nge he tlheli a hi komba tintswalo?+
8 Xana rirhandzu rakwe ri helele makumu?
Xana a ri kona rixaka leri nga ta vona ku hetiseka ka xitshembiso xakwe?
9 Xana Xikwembu xi rivale ku va ni musa,+Kumbe, xana ku hlundzuka ka xona ku endle leswaku xi nga ha vi na tintswalo? (Selah)
10 Xana ndzi ta tshamela ku vula ndzi ku: “Leswi hi swona leswi ndzi karhataka:*+
La Nge Henhlahenhla u hi fularherile”?
11 Ndzi ta tsundzuka mitirho ya Yehovha;Ndzi ta tsundzuka mitirho ya wena yo hlamarisa ya khale swinene.
12 Ndzi ta anakanyisisa hi mitirho ya wena hinkwayoNdzi ehleketisisa hi swiendlo swa wena.+
13 Tindlela ta wena ta kwetsima, Xikwembu xanga.
Hi xihi Xikwembu lexi tlakukeke ku fana na wena?+
14 U Xikwembu xa ntiyiso, lexi endlaka swilo swo hlamarisa.+
U endle leswaku vanhu va tiva matimba ya wena.+
15 U ponise vanhu va wena hi matimba* ya wena,+Vana va Yakobo ni va Yosefa. (Selah)
16 Mati ma ku vonile, wena Xikwembu;Mati ma ku vonile kutani ma pfindluka.+
Ni swidziva swi dungekile.
17 Mapapa ma chulule mati.
Matsefu lama bohaneke ma dumile,Naswona miseve ya wena ya rihati yi ye hala ni hala.+
18 Mpfumawulo wa ku dzindza+ ka wena a wu fana ni mavhilwa ya golonyi;Rihati ri voninge misava;*+Misava yi ninginikile ni ku tsekatseka.+
19 Ndlela ya wena a yi ri exikarhi ka lwandle,+Gondzo ra wena a ri ri exikarhi ka mati yo tala;Kambe mikondzo ya wena a yi nga vonaki.
20 U rhangele vanhu va wena ku fana ni ntlhambi,+Hi ku tirhisa* Muxe na Aroni.+
Tinhlamuselo ta le hansi
^ Vona Tinhlamuselo.
^ Kumbe “vuyimbeleri bya switende.”
^ Kumbe “tlhavaka.”
^ Hi Xiheveru, “voko.”
^ Kumbe “tiko leri noneke.”
^ Hi Xiheveru, “Hi voko ra.”
