Tipisalema 25:1-22
Pisalema ya Davhida.
א [Aleph]
25 Ndzi ta eka wena Yehovha.
ב [Beth]
2 Xikwembu xanga, ndzi tshemba wena;+U nga pfumeli ndzi khomisiwa tingana.+
U nga tshiki valala va mina va tsaka loko ndzi xaniseka.+
ג [Gimel]
3 Kunene lava ku tshembaka a va nge khomisiwi tingana,+Kambe lava xengaka van’wana handle ka xivangelo va ta khomisiwa tingana.+
ד [Daleth]
4 Yehovha Xikwembu xanga, ndzi tivise tindlela ta wena;+Ndzi dyondzise tindlela ta wena.+
ה [He]
5 Ndzi fambise endleleni ya wena ya ntiyiso, u ndzi dyondzisa,+Hikuva u Xikwembu xa mina lexi ndzi ponisaka.
ו [Waw]
Ndzi tshemba wena siku hinkwaro.
ז [Zayin]
6 Yehovha Xikwembu xanga, tsundzuka tintswalo ni rirhandzu ra wena,+Leswi u swi kombiseke mikarhi hinkwayo.*+
ח [Heth]
7 U nga swi tsundzuki swidyoho swa le vuntshweni bya mina.
Ndzi tsundzuke hikwalaho ka rirhandzu ra wena,+Hikwalaho ka vunene bya wena, Yehovha Xikwembu xanga.+
ט [Teth]
8 Yehovha hi lonene naswona u lulamile.+
Hi yona mhaka leyi a kombaka vadyohi ndlela leyi va faneleke va famba ha yona.+
י [Yod]
9 U ta kongomisa lavo rhula ku endla leswinene,+U ta dyondzisa lavo rhula ndlela yakwe.+
כ [Kaph]
10 Tindlela ta Yehovha hinkwato i rirhandzu ni ku tshembekaEka lava yingisaka ntwanano wakwe+ ni switsundzuxo swakwe.+
ל [Lamed]
11 Yehovha Xikwembu xanga, ndzi rivalele xidyoho xa mina, hambileswi xi nga xikulu,Hikwalaho ka vito ra wena.+
מ [Mem]
12 I mani munhu la chavaka Yehovha?+
U ta n’wi dyondzisa ndlela leyi a faneleke a yi hlawula.+
נ [Nun]
13 U ta tiphina hi leswinene,+Naswona vatukulu vakwe va ta tshama emisaveni.+
ס [Samekh]
14 Yehovha i munghana wa lava n’wi chavaka,+Naswona u va dyondzisa ntwanano wakwe.+
ע [Ayin]
15 Ndzi tshemba Yehovha mikarhi hinkwayo,+Hikuva u ta tshunxa milenge ya mina eneteni.+
פ [Pe]
16 Ndzi langute u ndzi komba musa,Hikuva ndzi ndzexe naswona a ku na la ndzi pfunaka.
צ [Tsade]
17 Maxangu ya mina ma tele ngopfu;+Ndzi tshunxe eku xanisekeni ka mina.
ר [Resh]
18 Vona ku xaniseka ka mina ni ku karhateka ka mina,+Ndzi rivalele swidyoho swa mina hinkwaswo.+
19 Vona ndlela leyi valala va mina va nga tarisa xiswona,Va ndzi venga lerova va lava ku ndzi vavisa.
ש [Shin]
20 Sirhelela vutomi bya mina u ndzi ponisa.+
U nga ndzi tshiki ndzi khomisiwa tingana, hikuva ndzi tumbela eka wena.
ת [Taw]
21 Onge ku tshembeka ni ku lulama swi nga ndzi sirhelela,+Hikuva ndzi tshembe wena.+
22 Xikwembu xanga, ponisa Israyele emaxangwini ya yena hinkwawo.
Tinhlamuselo ta le hansi
^ Kumbe “Leswi veke kona ku sukela khale swinene.”
