Tipisalema 141:1-10
Miloti ya Davhida.
141 Yehovha Xikwembu xanga, ndza ku vitana.+
Hatla u ta ndzi pfuna.+
Ndzi kombela u ndzi yingisa loko ndzi ku vitana.+
2 Xikhongelo xa mina a xi fane ni murhi wo nun’hwela+ lowu endliweke kahle lowu nyikeriwaka eka wena,+Mavoko ya mina lawa ndzi ma tlakuseke a ma fane ni gandzelo ra mavele ra nimadyambu.+
3 Ndzi pfune leswaku ndzi rindza nomu wa mina, Yehovha,Veka murindzi enon’wini wa mina.+
4 U nga pfumeleli mbilu ya mina yi voyamela eka leswo biha,+Leswaku yi endla leswo homboloka ni vanhu vo biha;Onge ndzi nga ka ndzi nga dyi mahinyahinya ya vona.
5 Loko lowo lulama a ndzi ba, swi ta kombisa leswaku wa ndzi rhandza;+Loko a ndzi tshinya, swi ta fana ni mafurha lama cheriwaka enhlokweni ya mina,+Lawa nhloko ya mina yi nga ta ka yi nga ma ali.+
Ndzi ta ya emahlweni ndzi khongela hambiloko lavo lulama va weriwa hi makhombo.
6 Hambiloko vaavanyisi va vona va lahleriwa eriweni,Vanhu va ta yingisa marito ya mina hikuva ma tsakisa.
7 Marhambu ya hina ma hangalasiwe enon’wini wa Sirha,*Ku fana niloko munhu a rima misava.
8 Kambe ndzi langute wena, Yehovha Hosi Leyi Tlakukeke.+
Ndzi tumbela eka wena.
U nga ndzi dlayi.
9 Ndzi sirhelele eka matimba ya xirimbana lexi ndzi rhiyiweke hi xona,Eswirimbanini swa lava endlaka leswo biha.
10 Lavo homboloka va ta phasiwa hi tinete ta vona,+Kambe mina ndzi ta hundza kahle.
Tinhlamuselo ta le hansi
^ Kumbe “Sheol.” Vona Tinhlamuselo.
