Tipisalema 112:1-10
112 Dzunisani Yehovha!*+
א [Aleph]
Wa tsaka munhu la chavaka Yehovha,+ב [Beth]
La tsakisiwaka swinene hi swileriso swakwe.+
ג [Gimel]
2 Vana vakwe va ta va ni matimba emisaveni,ד [Daleth]
Vana va lavo lulama va ta katekisiwa.+
ה [He]
3 Yindlu yakwe yi tele hi rifuwo,ו [Waw]
Ni ku lulama kakwe ku ta va kona hilaha ku nga heriki.
ז [Zayin]
4 U voningela lavo lulama ku fana ni rivoni emunyameni.+
ח [Heth]
U ni ntwelavusiwana* ni tintswalo+ naswona u lulamile.
ט [Teth]
5 Loyi a nga ni tintswalo loko a lombisa swi ta n’wi fambela kahle.+
י [Yod]
U fambisa timhaka takwe hi vululami.
כ [Kaph]
6 A nge pfuki a tsekatsekisiwile.+
ל [Lamed]
Lowo lulama u ta tsundzukiwa hilaha ku nga heriki.+
מ [Mem]
7 A nge ma chavi mahungu yo biha.+
נ [Nun]
Mbilu yakwe a yi kanakani yi tshemba Yehovha.+
ס [Samekh]
8 Mbilu yakwe yi tiyile; a nga chavi;+ע [Ayin]
Eku heteleleni u ta vona valala vakwe loko va hluriwa.+
פ [Pe]
9 Wa hanana; u nyika swisiwana.+
צ [Tsade]
U ta tshama a lulamile hilaha ku nga heriki.+
ק [Qoph]
Matimba* yakwe ma ta ya ma vangama.
ר [Resh]
10 Lowo homboloka u ta swi vona, kutani a dya mbitsi.
ש [Shin]
U ta luma matino a nyamalala.
ת [Taw]
Ku navela ka lavo homboloka ku ta hela.+
Tinhlamuselo ta le hansi
^ Kumbe “Haleluya,” leswi vulaka “Dzunisani Yah.” Yah i nkomiso wa vito leri nge Yehovha.
^ Kumbe “nsovo.”
^ Hi Xiheveru, “Rimhondzo.”
