Tipisalema 107:1-43
(Tipisalema 107-150)
107 Khensani Yehovha, hikuva hi lonene;+Rirhandzu rakwe lerikulu a ri heli.+
2 Lava Yehovha a va kutsuleke a va vule sweswo,Lava a va kutsuleke evokweni ra nala,+
3 Lava a va hlengeleteke va huma ematikweni,+Ku suka evuxeni ni le vupeladyambu,Ku suka en’walungwini ni le dzongeni.+
4 Va tsendzeleke emananga;A va yi kumanga ndlela leyi yaka emutini lowu va nga ta tshama eka wona.
5 A va ri ni ndlala ni torha;A va nga ha tikoti hi ku karhala.
6 A va tshamela ku rilela Yehovha emaxangwini ya vona;+U va kutsurile emakhombyeni ya vona.+
7 U va fambise endleleni leyinene+Leswaku va fika emutini lowu a va ta tshama eka wona.+
8 Vanhu a va khense Yehovha+ hikwalaho ka rirhandzu rakwe lerikulu
Ni hikwalaho ka mitirho yakwe yo hlamarisa leyi a va endleleke yona.+
9 Hikuva u timule torha ra lava nga ni torhaA xurhisa lava nga ni ndlala hi swilo leswinene.+
10 Van’wana a va tshama emunyameni wo chavisa,Vabohiwa a va xaniseka naswona a va bohiwe hi tinsimbhi.
11 Hikuva a va ri yingisanga rito ra Xikwembu;A va xi yingisanga xitsundzuxo xa La Nge Henhlahenhla.+
12 Kutani u va tsongahatile hi ku va tshika va xaniseka;+Va khudlunyekile va wa ku ri hava loyi a va pfunaka.
13 Hiloko va sungula ku kombela Yehovha leswaku a va pfuna emaxangwini ya vona;U va phurile emakhombyeni ya vona.
14 U va humese emunyameni lowu chavisaka,A tsema tinsimbhi leti a va bohiwe hi tona.+
15 Vanhu a va khense Yehovha hikwalaho ka rirhandzu rakwe lerikulu+
Ni hikwalaho ka mitirho yakwe yo hlamarisa leyi a va endleleke yona.
16 Hikuva u tshove mavanti ya koporo,A tsema tinsimbhi to goga ha tona.+
17 A va ri swiphukuphuku naswona va xanisekile+Hikwalaho ka swidyoho swa vona ni swihoxo swa vona.+
18 Swakudya a swi nga ha ngheni;Sirha a ri va cinamisele meno.
19 A va kombela Yehovha a va pfuna loko va ri emaxangwini;A a va phula emakhombyeni ya vona.
20 A a rhumela rito rakwe a va horisa+Ni ku va ponisa emigodini leyi a va wele eka yona.
21 Vanhu a va khense Yehovha hikwalaho ka rirhandzu rakwe lerikulu
Ni hikwalaho ka mitirho yakwe yo hlamarisa leyi a va endleleke yona.
22 A va endle magandzelo yo khensa+Va tivisa van’wana mitirho yakwe hi ntsako.
23 Lava fambaka elwandle hi swikepe,Lava endlaka bindzu ematini yo tala,+
24 Va vone mitirho ya YehovhaNi mitirho yakwe yo hlamarisa elwandle;+
25 Ndlela leyi rito rakwe ri pfuxaka xidzedze ha yona,+Ivi ku pfuka magandlati ya lwandle.
26 Va tlhandlukela exibakabakeni;Va tlhelela ehansi evuentweni.
Vo rhurhumela kunene hikwalaho ka khombo leri va langutaneke na rona.
27 Va tsekatseka va dedeleka ku fana ni xidakwa,Naswona vutlhari bya vona hinkwabyo a byi va pfunanga nchumu.+
28 Kutani va rilela Yehovha loko va ri emaxangwini;+Hiloko a va phula emakhombyeni ya vona.
29 U yimisa xidzedze;Magandlati ya lwandle ma rhula.+
30 Va tsaka loko lwandle ri rhula,Naswona u va yisa laha va ku tsakelaka.
31 Vanhu a va khense Yehovha hikwalaho ka rirhandzu rakwe lerikulu
Ni hikwalaho ka mitirho yakwe yo hlamarisa leyi a va endleleke yona.+
32 A va n’wi dzunise laha vanhu va hlengeletaneke kona,+A va n’wi dzunise ehubyeni ya vakulukumba.
33 U hundzula milambu yi va manangaNi swihlovo swa mati swi va ndhawu leyi omeke,+
34 Tiko leri noneke ri va ndhawu leyi nga ni munyu leyi nga pfuniki nchumu,+Hikwalaho ka vubihi bya vaaki va rona.
35 U hundzula mananga ma va nhlangasi,Ni ndhawu leyi omeke yi va swihlovo swa mati.+
36 U rhurhela lava nga ni ndlala kwalaho,+Leswaku va ta aka muti lowu va nga ta tshama eka wona.+
37 Va rima masimu va byala mirhi ya madiriva+Leyi vekaka mihandzu yo tala.+
38 Wa va katekisa lerova va tala ngopfu;A nga ti tshiki tihomu ta vona ti hunguteka.+
39 Kambe va tlhele va hunguteka, va khomisiwa tinganaHikwalaho ka ku tshikileriwa, khombo ni gome.
40 U khomisa vanhu va xiyimo xa le henhla tingana,Ni ku va tsendzelekisa emananga laha ku nga riki na ndlela.+
41 Kambe u sirhelela swisiwana leswaku swi nga tshikileriwi+
A endla leswaku mindyangu ya swona yi tala swinene ku fana ni ntlhambi.
42 Lavo lulama va swi vona va tsaka;+Kambe hinkwavo lava nga lulamangiki va pfala milomu.+
43 Un’wana ni un’wana la tlhariheke u ta vona swilo leswi+
Naswona u ta kambisisa mitirho ya Yehovha ya rirhandzu.+
