Swivuriso 6:1-35
6 N’wananga, loko u endle xitiyisekiso ni munhukuloni,+Loko u qhavulane* ni mufambi,+
2 Loko u yengiwe hi xitshembiso xa wena,U phasiwe hi marito ya nomu wa wena,+
3 N’wananga endla leswi, u titshunxa,Hikuva u wele evokweni ra munhukuloni:
Famba u ya titsongahata naswona u tshamela ku kombela ku kombiwa tintswalo eka munhukuloni.+
4 U nga etleli,Kumbe u pfala matihlo ya wena kukondza u endla leswi.
5 Baleka ku fana ni mhala evokweni ra muhloti,Ku fana ni xinyenyana evokweni ra muphasi wa swinyenyana.
6 Yana eka vusokoti wena lolo;+Xiyisisa ndlela leyi byi endlaka swilo ha yona kutani u tlhariha.
7 Hambileswi byi nga riki na ndhuna, murhangeri kumbe mufumi,
8 Byi hlengeleta swakudya swa byona hi ximumu,+Naswona byi hlengeleta swakudya swa byona hi nkarhi wa ntshovelo.
9 Wena lolo u ta etlela kwalaho ku fikela rini?
U ta pfuka rini evurhongweni?
10 Ku etlelanyana, ku khudzehelanyana,Ku khondlanyana mavoko leswaku u wisa,+
11 Kutani vusiwana bya wena byi ta ta ku fana ni khamba,Ni ku navela ka wena ku fana ni munhu la hlomeke.+
12 Munhu la nga pfuniki nchumu, wo biha, u rhendzeleka a ri karhi a vulavula mavunwa;+
13 U tsopetela munhu tihlo,+ a tlangatlangisa nenge, a kombetela hi tintiho.
14 U ni mbilu yo biha,U tshamela ku kunguhata swilo swo biha+ ni ku vanga timholovo.+
15 Hikwalaho, khombo rakwe ri ta ta a nga ehleketanga nchumu;U ta lovisiwa hi ku hatlisa.+
16 Ku ni swilo swa tsevu leswi Yehovha a swi vengaka;Ina, swilo swa nkombo leswi a swi nyenyaka:
17 Ku tikukumuxa,+ ku hemba+ ni ku halata ngati leyi nga riki na nandzu,+
18 Ku kunguhata ku endla swilo swo biha+ ni ku tsutsumela ku endla swilo swo homboloka,
19 Mbhoni leyi tshamelaka ku vulavula mavunwa,+Ni la vangaka timholovo exikarhi ka vamakwavo.+
20 N’wananga, yingisa xileriso xa tata wa wena,U nga wu fularheli nawu* wa mana wa wena.+
21 Swi tsimbelele embilwini ya wena nkarhi hinkwawo;Swi bohelele enhan’wini ya wena.
22 Swi ta ku kongomisa loko u ri eku fambeni;Swi ta tshama swi ku rindzile loko u etlele;Naswona swi ta vulavula* na wena loko u pfuka.
23 Hikuva xileriso i rivoni,+Naswona nawu i ku vonakala,+Ku tshinyiwa i ndlela ya vutomi.+
24 Swi ta ku rindza eka wansati wo biha,+Eka marito ya vukanganyisi ya wansati loyi a nga ni mahanyelo yo biha.*+
25 U nga ku naveli ku saseka kakwe embilwini ya wena+Kumbe u pfumela ku kokiwa hi mahlo yakwe lama navelekaka,
26 Hikuva wanuna u sala ni xinkwa ntsena hikwalaho ka wansati wa nghwavava,+Kambe nsati wa wanuna un’wana u ta endla leswaku u lahlekeriwa hi vutomi bya wena bya risima.
27 Xana munhu a nga hlengeleta ndzilo exifuveni xakwe kambe swiambalo swakwe swi nga tshwi?+
28 Kumbe, xana munhu a nga famba ehenhla ka makala yo hisa kambe milenge yakwe yi nga tshwi?
29 Swi tano hi munhu la etlelaka ni nsati wa wanuna un’wana;A nga kona loyi a n’wi khumbaka la nga ta ka a nga xupuriwi.+
30 Vanhu a va ri soli khambaLoko ri yiva hikwalaho ko twa ndlala.
31 Kambe loko ro kumeka, ri fanele ri hakela ka nkombo;Ri humesa swilo swa rona hinkwaswo swa nkoka leswi nga endlwini ya rona.+
32 Un’wana ni un’wana loyi a endlaka vuoswi ni wansati i xihunguki;Loyi a endlaka sweswo wa tilovisa.+
33 U ta kuma timbanga ni tingana ntsena,+Naswona tingana takwe a ti nge herisiwi.+
34 Hikuva vukwele bya wanuna byi endla leswaku a kariha swinene;A nge vi na ntwelavusiwana loko a tirihisela.+
35 A nge wu amukeli ndziho;Vukarhi byakwe a byi nge vohli, hambiloko wo n’wi nyika nyiko leyikulu.
Tinhlamuselo ta le hansi
^ Ku nga ku endla xitshembiso.
^ Hi Xiheveru, “xileriso.”
^ Kumbe “ku dyondzisa.”
