Swivuriso 29:1-27
29 Munhu la nonon’hwisaka nhamu yakwe* endzhaku ka ku tshinyiwa hi ku phindhaphindha+U ta lovisiwa hi ku hatlisa.+
2 Loko lavo lulama va tele, vanhu va tsaka,Kambe loko lowo homboloka a fuma, vanhu va gungula.+
3 Munhu la rhandzaka vutlhari u tsakisa tata wakwe,+Kambe la nga munghana wa tinghwavava u hangalasa rifuwo rakwe.+
4 Hosi yi endla tiko ri tshama ri tiyile hi vululami,+Kambe munhu la rhandzaka ku diziwa wa ri lovisa.
5 Munhu la chavaka ku tshinya munhukulobyeU n’wi andlalela rikoka emilengeni.+
6 Munhu wo homboloka u phasiwa hi swidyoho swakwe,+Kambe lowo lulama u huwelela hi ntsako naswona u tsakile.+
7 Lowo lulama u karhateka hi timfanelo ta swisiwana,+Kambe lowo homboloka a nga na mhaka na tona.+
8 Vanhu lava tibumaka va hisa muti,+Kambe lavo tlhariha va tlherisa vukarhi.+
9 Loko munhu wo tlhariha a holova ni xiphukuphuku,Ku ta va ni huwa ni ku hlekula, kambe mhaka ya kona a yi nge heli.+
10 Vanhu lava nga ni torha ra ngati va venga un’wana ni un’wana la nga riki na nandzu,*+Va lava ku dlaya lavo lulama.*
11 Xiphukuphuku xi kombisa ku kariha ka xona,+Kambe lowo tlhariha u tshama a rhurile.+
12 Loko mufumi a yingisela mavunwa,Malandza yakwe hinkwawo ma ta va yo homboloka.+
13 Xisiwana ni munhu loyi a tshikilelaka van’wana va fana hi leswi:
Yehovha u nyika matihlo ya vona havambirhi ku vonakala.*
14 Loko hosi yi avanyisa swisiwana hi ku tshembeka,+Xiluvelo xa yona xi ta tshama xi sirhelelekile.+
15 Nkhavi* ni ku tshinyiwa swi nyika vutlhari,+Kambe n’wana la nga tshinyiwiki u khomisa mana wakwe tingana.
16 Loko lavo homboloka va tala, vubihi bya andza,Kambe lavo lulama va ta vona ku wa ka vona.+
17 Tshinya n’wana wa wena, kutani u ta ku wisisa;Naswona u ta ku tsakisa swinene.+
18 Laha ku nga riki na xivono,* vanhu a va lawuleki,+Kambe va tsaka lava yingisaka nawu.+
19 Nandza a nge pfumeli ku lulamisiwa hi marito,Hikuva hambiloko a twisisa, a nga yingisi.+
20 Xana u tshame u vona munhu la hatliselaka ku vula swo karhi?+
Ku ni ntshembo eka xihunguki ku tlula yena.+
21 Loko nandza a lemiwa ku sukela evuntshweni byakwe,Eku heteleleni a nge khensi.
22 Munhu la talaka ku hlundzuka u pfuxa mholovo;+La hatlaka a kariha u dyoha ngopfu.+
23 Ku titlakusa ka munhu ku ta n’wi tsongahata,+Kambe la titsongahataka u ta dzunisiwa.+
24 La tirhisanaka ni khamba wa tivenga.
A nga ha swi twa loko ku laviwa munhu leswaku a ta nyikela vumbhoni, kambe a nga vuli nchumu.+
25 Ku chava vanhu i* ntlhamu,+Kambe la tshembaka Yehovha u ta sirheleriwa.+
26 Vanhu vo tala va lava ku vonana ni* mufumi leswaku va kuma mpfuno,Kambe munhu u kombisiwa vululami hi Yehovha.+
27 Munhu wo homboloka u nyenyetsa lavo lulama,+Kambe loyi ndlela yakwe yi lulameke wa nyenyetsa eka lowo homboloka.+
Tinhlamuselo ta le hansi
^ Kumbe “loyi a tiomisaka nhloko.”
^ Kumbe “pfumalaka xisandzu.”
^ Kumbexana “Kambe lavo lulama va lava ku sirhelela vutomi byakwe.”
^ Hileswaku U va nyika vutomi.
^ Kumbe “Ndzayo; Ku xupula.”
^ Kumbe “xivono xa vuprofeta; nhlavutelo.”
^ Kumbe “swi veka.”
^ Kumbexana “lava ku tsakeriwa hi.” Hi Xiheveru, “lava xikandza xa.”
