Swivuriso 18:1-24
18 Loyi a tihambanisaka ni van’wana u tilavela swa yena ntsena;U bakanya* vutlhari hinkwabyo.
2 Xiphukuphuku a xi swi tsakeli ku va ni ku twisisa;Swi nga antswa xi paluxa leswi nga embilwini ya xona.+
3 Loko munhu wo homboloka a fika, ku hlekula na kona ka ta,Naswona laha ku nga riki na xindzhuti ku ni ndzhukano.+
4 Marito ya nomu wa munhu i mati lama enteke.+
Xihlovo xa vutlhari i xinambyana lexi khapakhapaka.
5 A hi swinene ku yimelela lowo homboloka+Kumbe ku ala ku kombisa lowo lulama vululami.+
6 Mavulavulelo ya xiphukuphuku ma vanga timholovo,+Ni nomu wa xona wu endla leswaku xi biwa.+
7 Xiphukuphuku xi lovisiwa hi nomu wa xona,+Ni milomu ya xona i ntlhamu wa vutomi bya xona.
8 Marito ya munhu la hlevaka ma fana ni swakudya leswitsongo swo nandziha;*+Ma mitiwa hi ku hatlisa ma nghena ekhwirini.+
9 Loyi a lolohaka entirhweni wakweI makwavo wa loyi a lovisaka.+
10 Vito ra Yehovha i xihondzo xo tiya.+
Lowo lulama u tsutsumela eka xona naswona u kuma nsirhelelo.*+
11 Rifuwo ra xifumi i muti wa xona lowu biyeriweke;Ri fana ni khumbi leri sirhelelaka emiehleketweni ya xona.+
12 Loko munhu a nga si wa mbilu yakwe ya titlakusa,+Naswona loko a titsongahata u ta dzunisiwa.+
13 I vuphukuphuku naswona swi khomisa tingana,Loko munhu a hlamula a nga si twa mhaka hinkwayo.+
14 Munhu loyi a tsakeke a nga swi kota ku tiyisela vuvabyi,+Kambe i mani loyi a nga tiyiselaka gome lerikulu?+
15 Mbilu ya loyi a twisisaka yi kuma vutivi,+Ni ndleve ya lowo tlhariha yi lava ku kuma vutivi.
16 Nyiko ya munhu yi n’wi pfulela ndlela;+Yi endla leswaku a hlangana ni vanhu va xiyimo xa le henhla.
17 Munhu wo sungula ku hlamusela mhaka yakwe u vonaka a lulamile,+Ku fikela loko munhu un’wana a n’wi vutisisa* leswaku a kuma ntiyiso.+
18 Ku hoxa vuhlolotwana* swi herisa timholovo+Naswona swi lulamisa timhaka exikarhi ka valala lavakulu.
19 Ku tsakisa makwavo la khunguvanyekeke swi tika ngopfu ku tlula ku teka muti lowu biyeriweke,+Naswona ku ni timholovo to fana ni swilo swo goga ha swona swa xihondzo.+
20 Khwiri ra munhu ri ta tala hi mihandzu ya nomu wakwe;+U ta xurha hi leswi humaka emilon’wini yakwe.
21 Rifu ni vutomi swi le matimbeni ya ririmi;+Lava rhandzaka ku ri tirhisa va ta dya mihandzu ya rona.+
22 La kumaka nsati lonene u kume nchumu lowunene,+Naswona u kuma tintswalo* ta Yehovha.+
23 Xisiwana xi kombela hi ku titsongahata loko xi vulavula,Kambe xifumi xi hlamula hi ndlela ya tihanyi.
24 Ku ni vanghana lava lunghekeleke ku tshovelelana,+Kambe ku ni munghana loyi a tshembekaka ku tlula makwenu.+
Tinhlamuselo ta le hansi
^ Kumbe “nyenya.”
^ Kumbe “fana ni swilo leswi mitiwaka hi makolo.”
^ Hi Xiheveru, “u tlakuseriwa ehenhla,” leswi vulaka leswaku a nga fikeleleki, u hlayisekile.
^ Kumbe “kambisisa.”
^ Vona Tinhlamuselo.
^ Kumbe “vunene.”
