Mikiya 4:1-13
4 Emikarhini ya makumu,Ntshava ya yindlu ya Yehovha+Yi ta simekiwa yi tiya ehenhla ka tintshava,Naswona yi ta tlakusiwa yi tlula ni swintshabyana,Vanhu va ta khitikanela eka yona.+
2 Matiko yo tala ma ta ya kona kutani ma ku:
“Tanani, a hi tlhandlukeleni entshaveni ya YehovhaNi le ndlwini ya Xikwembu xa Yakobo.+
U ta hi dyondzisa tindlela ta yena,Kutani hi ta famba emitileni ya yena.”
Hikuva nawu* wu ta huma eSiyoni,Ni rito ra Yehovha ri ta huma eYerusalema.
3 U ta avanyisa vanhu vo tala,+A lulamisa timhaka ta matiko ya matimba ya le kule.
Va ta hundzula mabanga ya vona ma va swikomuNi matlhari ya vona ma va swikhutulo.+
Tiko a ri nge he tlakusi banga ku lwa ni tiko rin’wana,Naswona a va nge he dyondzi nyimpi.+
4 Un’wana ni un’wana u ta tshama ehansi ka murhi wakwe wa madiriva ni le hansi ka nkuwa wakwe,+A va nge chavisiwi hi munhu,+Hikuva Yehovha wa mavuthu u swi vurile.
5 Hikuva vanhu hinkwavo va ta famba, un’wana ni un’wana evitweni ra xikwembu xa yena,Kambe hina hi ta famba evitweni ra Yehovha Xikwembu xa hina+ hilaha ku nga heriki.
6 “Hi siku rero,” ku vula Yehovha,“Ndzi ta hlengeleta lava khwitaka,Ni lava hangalakeke ndzi ta va hlengeleta,+Swin’we ni lava ndzi va khomeke hi ndlela yo vava.
7 Ndzi ta siya vanhu vo karhi eka lava a va khwita,+Lava va nga ekule va ta va tiko ra matimba;+Yehovha u ta va hosi ya vona eNtshaveni ya Siyoni,Ku sukela sweswi ni hilaha ku nga heriki.
8 Loko ku ri wena, wena xihondzo lexi sirhelelaka ntlhambi,*Xintshabyana xa nhwanyana wa Siyoni,+Mfumo wo sungula wu ta tlhelela eka wena,+Mfumo wa nhwanyana wa Yerusalema.+
9 Kutani hikwalaho ka yini u huwelela?
Xana a wu na hosi,Kumbe xana mutsundzuxi wa wena u lovile,Lerova u khomiwa hi switlhavi swo fana ni swa wansati loko a veleka?+
10 Konya wena nhwanyana wa Siyoni,Ku fana ni wansati loko a veleka,Hikuva sweswi u ta suka emutini u ya tshama enhoveni.
U ta famba u ya fika eBabilona,+U ta tshunxiwa u ri kwale;+Yehovha u ta ku kutsula kwalaho eka valala va wena.+
11 Matiko yo tala ma ta hlengeletana ma lwa na wena;Ma ta ku, ‘Onge wu nga khomisiwa tingana,Onge hi nga swi vona loko sweswo swi endleka eka Siyoni.’
12 Kambe a va swi tivi leswi Yehovha a swi anakanyaka,A va xi twisisi xikongomelo* xakwe;Hikuva u ta va hlengeleta ku fana ni nyandza ya mavele lawa ma ha ku tsemiwaka, ma yisiwa exivuyeni.*
13 Suka u yima u hula mavele, wena nhwanyana wa Siyoni;+Hikuva timhondzo ta wena ndzi ta ti hundzula ti va ta nsimbhi,Ni masondzo* ya wena ndzi ta ma hundzula ma va ya koporo,U ta herisa vanhu vo tala.+
U ta nyika Yehovha hinkwaswo leswi va swi kumeke hi vukanganyisi,Xuma xa vona u ta xi nyika Hosi ya ntiyiso ya misava hinkwayo.”+
Tinhlamuselo ta le hansi
^ Kumbe “xileriso.”
^ Hi Xiheveru, “xihondzo xa ntlhambi.”
^ Kumbe “xitsundzuxo.”
^ Ku nga ndhawu leyi ku peperhiwaka mavele eka yona.
^ Kumbe “swinyondzwana.”
