Hosiya 8:1-14
8 “Banani nanga!+
Nala u ta kukotisa gama u tela ku lwa ni yindlu ya Yehovha,+Hikuva va tlule ntwanano+ ni nawu wa mina.+
2 Va ndzi huwelela va ku, ‘Wena u Xikwembu xa hina, hina Israyele ha ku tiva!’+
3 Israyele u tshike ku endla leswinene.+
Nala a a n’wi hlongorise.
4 Va tivekele tihosi va nga ndzi vutisanga.
Va tivekele tihosana handle ka mpfumelelo wa mina.
Va tiendlele swikwembu hi silivhere ni nsuku wa vona,+Leswi swi ta endla leswaku va lovisiwa.+
5 Wena Samariya rhole ra wena a ri amukeleki.+
Ndzi va hlundzukele ngopfu.+
Xana va ta va ni nandzu ku fikela rini?
6 Hikuva rhole rero ri huma eIsrayele.
A ri endliwanga hi Xikwembu, ri endliwe hi loyi a tivaka ntirho wa mavoko;Rhole ra Samariya ri ta fayeleriwa ri va swiphemuphemu.
7 Hikuva va endla leswo biha leswi fanaka ni ku byala moya,Kutani va ta tshovela leswo biha leswi fanaka ni xidzedze.+
A va tshovelanga nchumu;+Leswi milaka a swi humesi mapa.
Loko ko tshuka ku va ni swo karhi swi ta dyiwa hi vafambi.+
8 Israyele u ta mitiwa hi valala va yena.+
Va ta va exikarhi ka matiko,+Ku fana ni xibya lexi nga laviwiki.
9 Hikuva va ye eAsiriya,+ ku fana ni mbhongolo ya le nhoveni leyi tshamaka yi ri yoxe.
Efrayimi u ye a ya lava tinghwavava.+
10 Hambileswi va ti lavaka exikarhi ka matiko,Ndzi ta va hlengeleta;Va ta sungula ku xaniseka+ hikwalaho ka ndzhwalo lowu hosi ni tihosana ti nga ta va rhwexa wona.
11 Hikuva Efrayimi u engetele tialtari leswaku a dyoha.+
I tialtari ta yena leti n’wi dyohisaka.+
12 Ndzi n’wi tsalele milawu* yo tala,Kambe yi tekiwe yi nga ri nchumu.+
13 Va ndzi endlela magandzelo kutani va dya nyama ya kona,Kambe Yehovha a nga ma tsakeli.+
U ta tsundzuka xihoxo xa vona kutani a va xupula hikwalaho ka swidyoho swa vona.+
Va tlhelele* eEgipta.+
14 Israyele u rivale Muvumbi wa yena+ kutani a aka titempele,+Yuda u engetele miti leyi nga ni makhumbi yo yi sirhelela.+
Kambe ndzi ta rhumela ndzilo emitini yoleyo,Kutani wu ta lovisa swihondzo swa wun’wana ni wun’wana wa yona.”+
