Hosiya 13:1-16
13 “Loko Efrayimi a vulavula, vanhu a va rhurhumela hi ku chava;A a xiximeka eIsrayele.+
Kambe u ve ni nandzu hikwalaho ko gandzela Bali+ kutani a fa.
2 Sweswi va endla xidyoho xin’wana,Va endla swikwembu hi silivhere;+Va endla swifaniso swo saseka ku nga ntirho wa mavoko ya vona.
Va swi byela va ku, ‘Vanhu lava endlaka magandzelo a va tswontswe marhole ya kona.’+
3 Hikwalaho va ta fana ni mapapa ya nimixo,Va ta fana ni mberha leyi nyamalalaka ka ha ri mixo,Va ta fana ni muhungu* lowu biwaka hi xidzedze exivuyeni,*Ni musi lowu humaka hi chimele ehenhla ka lwangu.
4 Kambe hi mina Yehovha Xikwembu xa wena ku sukela loko wa ha ri etikweni ra Egipta;+A wu nga tivi Xikwembu xin’wana handle ka mina,Naswona handle ka mina a ku na muponisi un’wana.+
5 Ndzi ku hlayisile emananga,+ etikweni ra dyandza.
6 Va dye va xurha emadyelweni ya vona,+Loko va xurhile va sungule ku tikurisa.
Kutani va ndzi rivala.+
7 Ndzi ta fana ni xinghalana eka vona,+Ku fana ni yingwe leyi va tumbeleleke endleleni.
8 Ndzi ta va hlasela ku fana ni bere leyi lahlekeriweke hi vana va yona,Ndzi ta handzula swifuva* swa vona.
Ndzi ta va lovisa kukota nghala;Xivandzana xa nhova xi ta va phatlulela.
9 Xi ta ku lovisa, wena Israyele,Hikuva u ndzi fularherile, mina mupfuni wa wena.
10 Yi kwihi hosi ya wena leswaku yi ku ponisa emitini ya wena hinkwayo,+Ni vafumi* va wena, lava u nga te,‘Ndzi nyike hosi ni tihosana’?+
11 Ndzi ku nyike hosi ndzi hlundzukile,+Naswona ndzi ta yi susa ndzi karihile.+
12 Nandzu wa Efrayimi wu phutseriwile;*Xidyoho xa yena xi hlayisiwile.
13 U ta khomiwa hi switlhavi swa ku veleka.
Kambe i n’wana loyi a nga tlharihangiki;Hikuva loko ku ri nkarhi wa leswaku a velekiwa a nga lavi ku huma.
14 Ndzi ta va kutsula eka matimba ya Sirha;*Ndzi ta va ponisa eka rifu.+
Wena Rifu, ndzhombo wa wena wu kwihi ke?+
Wena Sirha, ma kwihi matimba ya wena yo lovisa?+
A ndzi nge vi na ntwelavusiwana.
15 Hambiloko wo tala ku fana ni tinhlanga,Moya wa le vuxeni wu ta ta, moya wa Yehovha,Wu ta ta wu huma emananga, wu ta omisa xihlovo ni xinambyana xa yena.
Ku ni loyi a nga ta phanga xuma xa yena hinkwaxo.+
16 Samariya u ta voniwa nandzu+ hikuva u xandzukele Xikwembu xa yena.+
Va ta dlayiwa hi banga,+Vana va vona va ta tsemeleriwa,Vavasati va vona lava tikeke va ta handzuriwa makhwiri.”
Tinhlamuselo ta le hansi
^ Kumbe “vudyangwana.”
^ Ku nga ndhawu leyi ku peperhiwaka mavele eka yona.
^ Hi Xiheveru, “xisirhelelo xa mbilu ya vona.”
^ Hi Xiheveru, “vaavanyisi.”
^ Kumbe “hlayisiwile.”
^ Kumbe “Sheol.” Vona Tinhlamuselo.
