Deteronoma 32:1-52
32 “Yingisa wena matilo, kutani ndzi ta vulavula,Naswona misava a yi twe marito ya nomu wa mina.
2 Dyondzo ya mina yi ta na ku fana ni mpfula;Marito ya mina ma ta wa ku fana ni mberha,Ku fana ni mpfula leyi tsutsuxaka kunene ehenhla ka byanyiKu fana ni mpfula leyi naka ehenhla ka swimilana.
3 Hikuva ndzi ta huwelela vito ra Yehovha.+
Tivisani vukulu bya Xikwembu xa hina!+
4 Ribye, ntirho wakwe wu hetisekile,+Tindlela takwe hinkwato ti lulamile.+
Xikwembu xo tshembeka,+ lexi nga endliki swo homboloka;+Xi lulamile naswona a xi na xisandzu.+
5 Hi vona va dyoheke.+
A hi vana va xona, hi vona va endleke xihoxo.+
I xitukulwana xo homboloka!+
6 Xana leyi i ndlela leyi mi faneleke mi khoma Yehovha ha yona,+N’wina vanhu vo hunguka, lava nga tlharihangiki?+
Xana a hi Tata wa n’wina la mi vumbeke,+Yena loyi a mi tumbuluxeke a tlhela a mi nyika matimba?
7 Tsundzuka masiku ya khale;Anakanya hi malembe ya vanhu va khale.
Vutisa tata wa wena, u ta ku byela;+Vutisa vakulukumba, va ta ku rungulela.
8 Loko La Nge Henhlahenhla a nyika matiko ndzhaka ya wona+Loko a hambanisa vana va Adamu,*+U vekele vanhu mindzilakana+Hi ku ya hi nhlayo ya vana va Israyele.+
9 Hikuva vanhu va Yehovha i va yena;+Yakobo i ndzhaka yakwe.+
10 U n’wi kume etikweni leri nga mananga+Ekwandzasini leri nga riki na nchumu, leri kololaka.+
A n’wi sirhelela a tlhela a n’wi khathalela,+A n’wi hlayisa ku fana ni ndzololo ya tihlo rakwe.+
11 Hilaha gama ri hlakahlaka xisaka xa rona hakona,Ri haha ehenhla ka mavondlo ya rona,Ri phurumula timpapa ta rona, ri ma teka,Ri ma rhwala hi timpapa ta rona,+
12 Yehovha u n’wi* kongomisile;+A a nga ri na xikwembu xin’wana.+
13 A n’wi khandziyisa etindhawini leti tlakukeke ta misava,+Lerova a dya leswi tshoveriweke emasin’wini.+
A n’wi an’wisa vulombe lebyi humaka eribyeni,Ni mafurha lama humaka eribyeni ro tiya,
14 Botere leyi humaka eka tihomu ni ntswamba wa tinyimpfu,Swin’we ni mafurha ya tinyimpfu,Ni makhuna ya le Baxani ni swiphongo,Swin’we ni koroni leyinene;+Naswona u nwe vhinyo leyi humaka emadiriveni.
15 Loko Yexuruni* a sungula ku nyuhela, u xandzukile.
Wena u nyuherile, u xurhe ngopfu, u ndlandlamuka.+
Hikwalaho u fularhele Xikwembu lexi n’wi vumbeke,+A ri langutela ehansi Ribye leri n’wi ponisaka.
16 Va n’wi hlundzukisile hi ku gandzela swikwembu swin’wana;+A va n’wi khunguvanyisa hi swilo leswi nyenyetsaka.+
17 A va endlela madimona magandzelo, ku nga ri Xikwembu,+Eka swikwembu leswi a va nga swi tivi,Swikwembu leswintshwa leswa ha ku humelelaka,Eka swikwembu leswi vakokwa wa n’wina a va nga swi tivi.
18 U rivale Ribye+ leri nga va tata wa wena,A wu xi tsundzukanga Xikwembu lexi ku velekeke.+
19 Loko Yehovha a swi vona,u va fularherile,+
Hikuva vana vakwe va majaha ni va vanhwanyana va n’wi khunguvanyisile.
20 Hiloko a ku, ‘Ndzi ta va tumbetela xikandza xa mina;+Ndzi vona leswaku va ta helela kwihi.
Hikuva i vanhu vo homboloka,+Lava nga tshembekiki.+
21 Va ndzi hlundzukisile hi nchumu lowu nga riki xikwembu;+Va ndzi khunguvanyisile hi swikwembu swa vona leswi nga pfuniki nchumu.+
Ndzi ta endla leswaku va va ni mavondzo hi ku tirhisa lexi nga riki tiko;+Ndzi ta va khunguvanyisa hi tiko ro hunguka.+
22 Ndzi lumeke ndzilo hi vukarhi bya mina+Lowu nga ta hisa ku ya fika eSirheni,*+Wu ta herisa misava ni leswi nga eka yonaWu ta vavula ni masungulo ya tintshava.
23 Ndzi ta va engetelela makhombo;Ndzi ta heta miseve ya mina ehenhla ka vona.
24 Va ta karhala hikwalaho ka ndlala+Va dyiwa hi ku hisa ka miri ni ndzoviso lowu vavaka.+
Ndzi ta rhumela matino ya swiharhi ehenhla ka vona,+Ni vuxungu bya leswi kokovaka entshurini.
25 Ehandle va ta dlawa hi banga;+Endzeni ku ni ku chava+Eka majaha ni vanhwana,N’wana la an’waka swin’we ni wanuna wa mpunga.+
26 A ndzi ta va ndzi te: “Ndzi ta va hangalasa;Ndzi ta endla leswaku vanhu va nga ha vulavuli ha vona,”
27 Loko a ndzi nga chavi leswi valala va nga ta swi vula,+Hikuva valala va nga ha hundzula timhaka.+
Va nga ha ku: “Hi hlule hi matimba ya hina;+A hi Yehovha loyi a nga endla leswi hinkwaswo.”
28 Hikuva vona i tiko leri nga riki na dzano,Naswona a va twisisi.+
29 Loko a va tlharihile!+ A va ta anakanyisisa hi swilo leswi.+
A va ta ehleketa hi vuyelo bya vona.+
30 Xana munhu un’we a nga va hlongorisa njhani vanhu va 1 000,Naswona vanhu vambirhi va nga va hlongorisa njhani vanhu va 10 000?+
Handle ka loko Ribye ra vona ri va xavisile+Naswona Yehovha a va nyiketile.
31 Hikuva ribye ra vona a ri fani ni Ribye ra hina,+Hambi ku ri valala va hina va swi tiva swoleswo.+
32 Hikuva mudiriva wa vona wu huma eka mudiriva wa SodomaNi le masin’wini ya Gomora.+
Madiriva ya vona i madiriva ya vuxungu,Swichocho swa vona swa bava.+
33 Vhinyo ya vona i vuxungu bya tinyoka,Chefu leyi nga ni nsele wa swivatlankombe.
34 Xana swiendlo swa vona a ndzi swi hlayisanga,Ndzi swi veka exitlatini xa mina?+
35 Hi mina ndzi nga ta rihisela, ndzi ta va xupula,+Hi nkarhi lowu vekiweke loko nenge wa vona wu rheta,+Hikuva siku ra khombo ra vona ri le kusuhi,Naswona leswi nga ta va humelela swi ta ta hi xihatla.’
36 Hikuva Yehovha u ta avanyisa vanhu vakwe,+U ta ma twela vusiwana malandza yakwe,+Loko a vona leswaku a ma ha ri na matimba,Nileswaku ku sele ntsena la nga pfuniki nchumu ni la tsaneke.
37 Kutani yena u ta ku, ‘Swi kwihi swikwembu swa vona,+Ribye leri a va lava vutumbelo eka rona,
38 Leswi a swi dya mafurha ya magandzelo ya vona,Swi nwa vhinyo leyi a va yi nyikela?+
A swi suke swi yima swi mi pfuna.
A swi ve ndhawu ya n’wina ya vutumbelo.
39 Swi tiveni leswaku mina, hi mina,+A ku na swikwembu swin’wana handle ka mina.+
Ndza dlaya ndzi tlhela ndzi hanyisa.+
Ndza vavisa+ ndzi tlhela ndzi horisa,+Loyi ndzi n’wi khomaka, a nge lamuleriwi hi munhu.+
40 Hikuva ndzi tlakusela voko ra mina etilweni,Ndzi hlambanya ndzi ku: “Leswi ndzi hanyaka hilaha ku nga heriki,”+
41 Loko ndzi lota banga ra mina leri hatimaka,Kutani ndzi lunghekela ku avanyisa,+Ndzi ta tirihisela eka valala va mina,+Ndzi xupula lava ndzi vengaka.
42 Ndzi ta dakwisa miseve ya mina hi ngati,Banga ra mina ri ta dya nyama,Hi ngati ya lava dlayiweke ni ya mahlonga,Hi tinhloko ta varhangeri lava nga valala.’
43 Tsakani n’wina matiko, swin’we ni vanhu vakwe,+Hikuva u ta rihisela ngati ya malandza yakwe,+U ta tirihisela eka valala vakwe+Kutani a rivalela* tiko ra vanhu vakwe.”
44 Xisweswo Muxe a fika a hlayela Vaisrayele hinkwavo marito ya risimu leri vanhu va n’wi yingiserile,+ yena na Hoxeya*+ n’wana wa Nuni.
45 Endzhaku ka loko Muxe a hete ku byela Vaisrayele hinkwavo marito lawa hinkwawo,
46 u te: “Yingisani marito hinkwawo lawa ndzi mi lemukiseke ha wona namuntlha,+ leswaku mi ta ma dyondzisa vana va n’wina leswaku va ta yingisa marito hinkwawo ya Nawu lowu.+
47 Hikuva marito lawa a hi ya hava eka n’wina, ma vula vutomi eka n’wina,+ naswona hi marito lawa mi nga hanya nkarhi wo leha etikweni leri mi pelaka nambu wa Yordani mi ya ri teka.”
48 Yehovha a vulavula na Muxe hi siku rero a ku:
49 “Khandziya ntshava leyi ya Abarima,+ Ntshava ya Nebo,+ leyi nga etikweni ra Mowabu, leri nga ekusuhi na Yeriko, u vona tiko ra Kanana leri ndzi nga ta ri nyika Vaisrayele.+
50 Kutani u ta fela entshaveni leyi u nga ta yi khandziya, u lahliwa eka varikwenu* ku fana ni makwenu Aroni loyi a feleke eNtshaveni ya Hore,+ kutani a lahliwa eka varikwavo,
51 hikuva havumbirhi bya n’wina a mi tshembekanga eka mina exikarhi ka Vaisrayele, ematini ya Meriba+ eKadexi emananga ya Zini, hikuva a mi ndzi vangamisanga emahlweni ka Vaisrayele.+
52 U ta vona tiko ra kona u ri ekule, kambe a wu nge ngheni etikweni leri ndzi ri nyikaka Vaisrayele.”+
Tinhlamuselo ta le hansi
^ Kumbexana “vanhu.”
^ Ku nga Yakobo.
^ Leswi vulaka “Munhu Wo Lulama,” ku nga xithopo lexi a xi tirhisiwa ku xixima Israyele.
^ Kumbe “Sheol.” Vona Tinhlamuselo.
^ Kumbe “basisa.”
^ Vito ra Yoxuwa leri a thyiweke hi vatswari vakwe. Hoxeya i nkomiso wa vito Hoxaya leswi vulaka leswaku “Yehovha Wa Ponisa; Yehovha U Ponisile.”
^ Leyi i ndlela leyi rifu ri hlamuseriwaka ha yona hi ndlela yo phata.
