Genesa 33:1-20
33 Hi ku famba ka nkarhi Yakobe a tlakusa mahlo a languta, a vona Esawu a ri karhi a ta ni vavanuna+ va 400. Hikwalaho a ava vana eka Leya na Rahele ni le ka malandza mambirhi ya xisati,+
2 a rhangisa+ malandza ya xisati, Leya ni vana vakwe va va landzela,+ kutani Rahele na Yosefa va ri endzhaku ka vona.+
3 Yena a hundza emahlweni ka vona kutani a nkhinsama ka nkombo ehansi kukondza a fika ekusuhi ni makwavo.+
4 Esawu a tsutsuma a n’wi hlanganisa,+ a fika a n’wi angarha naswona a wela enhan’wini yakwe a n’wi ntswontswa,+ kutani va rila.
5 A tlakusa mahlo a vona vavasati ni vana, kutani a ku: “I vamani lava u nga na vona?” yena a ku: “I vana lava Xikwembu xi kombiseke ku tsakela nandza+ wa wena hi vona.”
6 Hiloko malandza ya xisati ma tshinela, wona ni vana va wona, kutani va nkhinsama;
7 Leya na yena a tshinela ni vana va yena, na vona va fika va nkhinsama, endzhaku ka sweswo, Yosefa a tshinela na Rahele, na vona va fika va nkhinsama.+
8 Kutani a ku: “U vula yini hi nxaxa lowu hinkwawo wa vafambi, lowu ndzi hlanganeke na wona?”+ Yena a ku: “I wa leswaku ndzi kuma ku tsakeriwa ematihlweni ya hosi yanga.”+
9 Kutani Esawu a ku: “Ndzi ni swo tala, makwerhu.+ Leswi nga swa wena a swi hambete swi va swa wena.”
10 Hambiswiritano, Yakobe a ku: “E-e, ndza ku kombela. Sweswi loko ndzi kume ku tsakeriwa ematihlweni+ ya wena, u ta teka nyiko leyi nga evokweni ra mina, hikuva hi ku pfumelelana ni xikongomelo xa yona ndzi vone xikandza xa wena onge hiloko ndzi vone xikandza xa Xikwembu, hikuva u ndzi amukele hi ntsako.+
11 Ndzi kombela u teka nyiko leyi tisaka mikateko leyi a yi tisiwe eka wena,+ hikuva Xikwembu xi ndzi tsakerile naswona ndzi ni swilo hinkwaswo.”+ A hambeta a n’wi khongotela, kukondza a swi teka.+
12 Endzhaku a ku: “A hi suke hi famba, ndzi ta famba emahlweni ka wena.”
13 Kambe a ku eka yena: “Hosi yanga ya lemuka leswaku vana lava a va si tiyela naswona ndzi langutela+ tinyimpfu ni tihomu leswi an’wisaka, loko swo khayimiwa hi ku hatlisa siku rin’we, kunene ntlhambi hinkwawo wu ta fa.+
14 Ndzi kombela leswaku hosi ya mina yi hundza emahlweni ka nandza wa yona, kambe mina ndzi ta ya emahlweni ni riendzo ndzi famba khwatsi hi ku ya hi ku famba ka swifuwo+ leswi nga emahlweni ka mina ni hi ku ya hi ku famba ka vana+ kukondza ndzi fika eka hosi ya mina eSeyiri.”+
15 Kutani Esawu a ku: “Ndzi kombela ku veka van’wana va vanhu lava ndzi nga na vona ehansi ka vulanguteri bya wena.” Hiloko a ku: “Hikwalaho ka yini u endla tano? Ndzi kombela ku kuma ku tsakeriwa ematihlweni ya hosi+ yanga.”
16 Hikwalaho hi siku rero Esawu a khoma ndlela a tlhelela eSeyiri.
17 Yakobe a suka a ya eSukoti,+ a aka yindlu, kutani ntlhambi wakwe a wu endlela mintsonga.+ Hi yona mhaka leyi a nga thya ndhawu yoleyo vito ra Sukoti.
18 Hi ku famba ka nkarhi Yakobe a fika a hlayisekile naswona a hanye kahle emutini wa Xikeme,+ lowu nga etikweni ra Kanana+ loko a huma ePadani-aramu;+ a fika a dzima nxaxa emahlweni ka muti.
19 Kutani a kuma nsimu evokweni ra vana va Hamori tata wa Xikeme hi swiphemu swa mali+ swa 100, laha a nga fika a dzima ntsonga wakwe kona.
20 Endzhaku ka sweswo a yimisa alitari kwalaho a yi thya hi vito ra Xikwembu, Xikwembu xa Israyele.+
