2 Tikronika 33:1-25
33 Manase+ a a ri ni malembe ya 12 hi vukhale loko a sungula ku fuma, u fume malembe ya 55 eYerusalema.+
2 U endle swo biha ematihlweni ya Yehovha,+ hi ku landza swilo swo nyenyetsa+ swa matiko lawa Yehovha a ma hlongoleke emahlweni ka vana va Israyele.+
3 Kutani a pfuxa tindhawu leti tlakukeke+ leti tata wakwe Hezekiya a ti hirimuxeke,+ a yimisela Vabali+ tialitari,+ a endla timhandzi to kwetsima,+ a sungula ku nkhinsamela+ vuthu hinkwaro ra le matilweni,+ a ri tirhela.+
4 U ake tialitari+ endlwini ya Yehovha, leti Yehovha a vuleke malunghana na tona a ku: “Vito ra mina ri ta va eYerusalema hilaha ku nga riki na makumu.”+
5 A ya emahlweni a aka tialitari ta vuthu hinkwaro ra le matilweni+ eswivaveni swimbirhi+ swa yindlu ya Yehovha.+
6 Yena u hundzise vana vakwe endzilweni+ enkoveni wa n’wana wa Hinomu,+ a endla masalamusi+ ni ku hlahluva+ ni vuloyi,+ a veka vangoma+ ni vavhumbhi-nkulu+ va swiendlakalo. A endla swilo swo biha hi mpimo lowukulu ematihlweni ya Yehovha, ku n’wi hlundzukisa.+
7 Ku tlula kwalaho, a veka xifaniso lexi vatliweke+ lexi a xi endleke, a xi veka endlwini ya Xikwembu xa ntiyiso,+ leyi Xikwembu xi byeleke Davhida ha yona na Solomoni n’wana wakwe xi ku: “Endlwini leyi ni le Yerusalema, leyi ndzi yi hlawuleke+ etinyimbeni hinkwato ta Israyele, ndzi ta veka vito+ ra mina hilaha ku nga riki na makumu.+
8 A ndzi nge he tlheli ndzi wu susa nenge wa Israyele emisaveni leyi ndzi yi nyikeke+ vatata wa vona,+ ntsena loko vo khathalela ku endla hinkwaswo leswi ndzi va leriseke+ swona malunghana ni nawu+ hinkwawo ni swileriso+ ni swiboho swa vuavanyisi,+ hi voko ra Muxe.”+
9 Manase+ a hambeta a kanganyisa Yuda+ ni vaaki va Yerusalema ku endla leswi biheke+ ngopfu ku tlula matiko lawa Yehovha a ma loviseke emahlweni ka vana va Israyele.+
10 Yehovha a hambeta a vulavula na Manase ni vanhu vakwe, kambe a va yingisanga.+
11 Eku heteleleni Yehovha a va tisela+ tindhuna ta vuthu ra hosi ya Asiriya,+ kutani ti teka Manase emagoveni,+ ti n’wi boha+ hi tinketana timbirhi ta koporo, ti n’wi yisa eBabilona.
12 Hi ku hatlisa loko swi n’wi vangela ku karhateka,+ a tsakisa Yehovha Xikwembu xakwe,+ a hambeta a titsongahata+ ngopfu eka Xikwembu xa vatata wakwe.
13 A hambeta a N’wi khongela, lerova Yena a pfumela leswaku a n’wi kombela,+ kutani Yena a twa xikombelo xakwe xa tintswalo, a n’wi vuyisela eYerusalema evuhosini byakwe;+ Manase a tiva leswaku Yehovha i Xikwembu xa ntiyiso.+
14 Endzhaku ka leswi a aka rirhangu ra le handle+ ra Muti wa Davhida+ evupela-dyambu bya Gihoni+ enkoveni ni ku ya eNyangweni ya Tinhlampfi,+ a ri fambisa ku ya eOfeli,+ a ri tlakusa ngopfu. Ku tlula kwalaho, a veka tindhuna ta vandla ra nyimpi ematlhelo hinkwawo ya miti leyi tiyisiweke eYuda.+
15 A susa swikwembu swimbe+ ni xivumbeko xa xifaniso xa hava+ endlwini ya Yehovha ni tialitari+ hinkwato leti a ti akeke entshaveni ya yindlu ya Yehovha ni le Yerusalema, a swi cukumeta ehandle ka muti.
16 Tlhandlakambirhi, a lunghiselela alitari ya Yehovha,+ a sungula ku humesa switlhavelo swa xinakulobye+ eka yona ni switlhavelo swo nkhensa,+ a ya emahlweni a byela Yuda leswaku ri tirhela Yehovha Xikwembu xa Israyele.+
17 Nilokoswiritano, vanhu a va ha humesa switlhavelo etindhawini leti tlakukeke;+ ntsena a va swi humesela Yehovha Xikwembu xa vona.
18 Loko ku ri timhaka letin’wana ta Manase ni xikhongelo+ xakwe lexi yaka eka Xikwembu xakwe ni marito ya lava va vonaka swivono,+ lawa va hambeteke va n’wi byela wona hi vito ra Yehovha Xikwembu xa Israyele, ma le xikarhi ka timhaka ta tihosi ta Israyele.+
19 Loko ku ri xikhongelo+ xakwe ni ndlela leyi a hlamuriweke ha yona xikombelo+ xakwe ni xidyoho+ xakwe hinkwaxo ni ku pfumala ku tshembeka+ kakwe ni laha a akeke kona tindhawu leti tlakukeke+ ni ku yimisa timhandzi to kwetsima+ ni swifaniso leswi vatliweke+ loko a nga si titsongahata,+ swi tsariwile exikarhi ka marito ya lava va vonaka swivono swakwe.
20 Eku heteleleni, Manase a etlela ni vatata wakwe,+ kutani va n’wi lahla+ endlwini yakwe; Amoni+ n’wana wakwe a sungula ku fuma ematshan’weni yakwe.
21 Amoni+ a a ri ni malembe ya 22 hi vukhale loko a sungula ku fuma, u fume malembe mambirhi eYerusalema.+
22 U ye emahlweni a endla swo biha ematihlweni ya Yehovha,+ hilaha Manase tata wakwe a endleke hakona;+ Amoni a humesa switlhavelo,+ a swi humesela swifaniso hinkwaswo leswi vatliweke,+ leswi Manase+ tata wakwe a swi endleke, a ya emahlweni a swi tirhela.+
23 A nga titsongahatanga+ eka Yehovha ku hambana ni tata wakwe Manase loyi a titsongahateke,+ hikuva Amoni hi yena la endleke leswaku nandzu wu va wukulu.+
24 Eku heteleleni, malandza yakwe ma n’wi khira,+ ma n’wi dlayela endlwini yakwe.+
25 Kambe vanhu va tiko va dlaya+ hinkwavo lava va khireke+ Hosi Amoni,+ vanhu+ va tiko va endla Yosiya+ n’wana wakwe a va hosi ematshan’weni yakwe.
