Bai yu bekim olsem wanem?

• Yes

• Nogat

• Ating

Baibel i tok

“God I Gat Olgeta Strong i no inap mekim pasin nogut. Nogat tru.” (Jop 34:10) God i no as bilong ol pasin nogut na pen na hevi i kamap long graun long nau.

Yumi kisim wanem skul long Baibel?

• Satan, “hetman bilong dispela graun,” em i as bilong ol pen na hevi.—Jon 14:30.

• Na tu, ol pen na hevi na ol pasin nogut i kamap, long wanem, ol man i bihainim ol laik nogut bilong ol yet.—Jems 1:14, 15.

Sampela man i bilip olsem ol manmeri inap pinisim ol pen na hevi long rot bilong wok bung wantaim, tasol sampela man i ting ol samting bai i no inap kamap gutpela. Wanem tingting bilong yu?

Baibel i tok

God bai pinisim pen na hevi. “Bai i no gat dai moa, na ol bai i no bel hevi na krai moa, na ol bai i no inap pilim pen gen.” —Revelesen 21:3, 4.

Yumi kisim wanem skul long Baibel?

• Long rot bilong Jisas, God bai pinisim ol pen na hevi Satan i bin kamapim.—1 Jon 3:8.

• Ol stretpela manmeri bai stap bel isi long graun inap oltaim.—Song 37:9-11, 29.