Mipela i bilong planti handet kantri, lain, na tokples, tasol mipela i gat wankain laik na dispela i mekim mipela i stap wanbel wantaim. Nambawan bikpela samting em mipela i laik givim ona long Jehova, em God bilong Baibel na Krieta bilong olgeta samting. Mipela i traim bes long bihainim pasin bilong Jisas Krais na mipela i amamas long kisim nem olsem ol Kristen. Mipela i save yusim taim bilong mipela long helpim ol man long kisim save long Baibel na Kingdom Bilong God. Mipela i save tokaut, o autim tok long Jehova God na Kingdom bilong em, olsem na mipela i kisim nem olsem ol Witnes Bilong Jehova.

Lukim websait bilong mipela. Ritim Baibel long Intenet. Kisim sampela save moa long mipela na ol bilip bilong mipela.