CIIYO 8
Ino Lufwu lwa Jesu Lumujatikizya Buti?
Jesu wakafwa kutegwa tube abuumi. Johane 3:16
Nikwakainda mazuba otatwe kuzwa naakafwa Jesu, bamakaintu bamwi bakaunka kucuumbwe cakwe akujana kuti mutunta tauko. Jehova wakabusya Jesu kuzwa kulufwu.
Mpoonya Jesu wakalibonya kubaapostolo bakwe.
Jehova wakamubusya Jesu kali mungelo singuzu uutakonzyi kufwa. Basikwiiya bakwe bakamubona Jesu naakali kuunka kujulu.
Leza wakamubusya Jesu akumubikka kuba Mwami wa Bwami bwa Leza. Daniele 7:13, 14
Jesu wakaaba buumi bwakwe kutegwa anunune bantu. (Matayo 20:28) Kwiinda mucinunuzyo eeco, Leza watupa coolwe cakupona kukabe kutamani.
Jehova wakamubikka Jesu kuba Mwami kutegwa ayendelezye nyika. Uyoolela antoomwe abantu basyomeka bali 144,000 ibabusyigwa kuyoopona kujulu. Jesu abantu ibali 144,000 mbebabamba mfwulumende yakujulu iiluleme—Bwami bwa Leza.—Ciyubunuzyo 14:1-3.
Bwami bwa Leza buyoopa kuti nyika ibe paradaiso. Nkondo, bugwebenga, bucete anzala ziyoomana. Bantu bayookkomana ncobeni.—Intembauzyo 145:16.
Andiza Inga Mwaakkomanina Ayaaya
NJIISYO ZYAMU BBAIBBELE ZIYANDIKA
Ino Jesu Wakafwida Nzi?
Kweelede kuti mwakamvwa kuti wakafwa akaambo kazibi zyesu. Pele sena lufwu lwamuntu omwe lulakonzya kugwasya bantu banji?
CIIBALUSYO
Amuyeeye Lufwu lwa Jesu
Twamutamba kuti mukaswaangane andiswe kumuswaangano ooyu waalubazu. Muyooiya kujatikizya buumi alimwi alufwu lwa Jesu mbozikonzya kumugwasya.
MABBUKU AMABROSHUWA
Sena Ncobeni Bafwide Balakonzya Kupona Alimwi?
Sena mwakafwidwa kale muntu ngomuyanda? Cisyomezyo camu Bbaibbele cuumbulizya cilakonzya kumugwasya.
