Mapenzi mapati azoopa kuti bantu baswaanane aazintu ziyumu loko zitanachitika pe. Kweendelana abupolofita bwamuBbayibbili, mapenzi mapati azoochitika “kumazuba aakumamanino,” naakuti “kuciindi cakumamanino.” (2 Timoti 3:1; Daniele 12:4) Anooli mazuba “aamapenzi aatanaba aabuzuba achitika kuzwa kumatalikilo aazilenge nzyaakalenga Leza kusikila kuchiindi eecho, alubo taazoochitiki lubo pe.”—Makko 13:19; Daniele 12:1; Mateyo 24:21, 22.

Zintu zitazoochitike muchiindi chamapenzi mapati

•   Kunyonyoonwa kwabukombi bwakubeja. Mukulaba kwaliso, bukombi bwakubeja buzoonyonyoonwa. (Chiyubunuzyo 17:1, 5; 18:9, 10, 21) Tubunga twazyapolitikisi twiimininwa aaUnited Nations tuzoochita kuyanda kwaLeza kwiinda mukubweza ntaamu eeyi.—Chiyubunuzyo 17:3, 15-18. a

•   Kulwana bukombi bwakasimpe. Nkamu yazisi, eeyo yaambwa muchilengaano chaEzekiyeli kuti “Gogo wakucisi ca Magogo,” iyooyezya kunyonyoona aabo balikubbazu lyabukombi bwakasimpe. Pesi Leza uzoobakwabilila bakombi bakwe kuchitila kuti batanyonyoonwi pe.—Ezekieli 38:1, 2, 9-12, 18-23.

•   Kubetekwa kwabantu bamunyika. Jesu uzoobabeteka bantu boonse “alubo uzoopambula bantu mbuli mweembeli mbapambula mbelele kuzwa kumpongo.” (Mateyo 25:31-33) Kubeteka kwakwe kunooyeeme aazintu muntu umwi awumwi nzyaakachitila ‘bakombinyina’ baJesu aabo batakakweendelezye aamwi anguwe kujulu.—Mateyo 25:34-46.

•   Kubuganizigwa kwabaabo batakayendelezye muBwaami. Bantu basyomeka bakasalwa kuyooyendelezya aKkristu bayoomaninsya buumi bwabo bwaanyika mpawo bayoobusigwa akwiinka kujulu.—Mateyo 24:31; 1 Bakkorinte 15: 53; 1 Batesalonikka 4:15-17.

•   Amagedoni. Eeyi ‘ninkondo yabuzuba bupati bwaLeza Singuzuzyoonse’ alubo yiitwa kuti ‘buzuba bwaJehova.’ (Chiyubunuzyo 16:14, 16; Isaya 13:9; 2 Petro 3:12) Aabo Kkristu mbatazoobeteke kuti bali amulandu, bayoonyonyoonwa. (Zefaniya 1:18; 2 Batesalonikka 1:6-10) Eezi ziyooswaanizya kunyonyoonwa kwambunga zyatwaambo twanyika zyoonse, eezyo muBbayibbili zyiimininwa amunyama ulaamitwe iili 7.—Chiyubunuzyo 19:19-21.

Zintu zitazoochitike aakwiinda mapenzi mapati

•   Kwaangwa kwaSaatani amadimoni. Ngilozi ilaanguzu izoowaala Saatani amadimoni aakwe “mumulindi uutagoli,” bazooba muchiimo chili mbuli kuti balifwide, tabanookonzyi pe kuchita kufumbwa chintu.(Chiyubunuzyo 20:1-3) Mumulindi uutagoli mwatanoobede Saatani mulakonzya kukozyanisigwa akuba mujele nkaambo tachinookonzyi pe kweena bantu.—Chiyubunuzyo 20:7.

•   Minyaka Iili 1 000 yatalika. Bwaami bwaLeza buzootalika bweendelezi bwabo bwaminyaka iili 1,000, oobo butazooyete zilongezyo zyiingi loko kubantu. (Chiyubunuzyo 5:9, 10; 20:4, 6) “Nkamu mpati” yabantu batabaliki ‘bayoozwa mumapenzi mapati,’ bazoofutuka akubona matalikilo aaminyaka iili 1 000 aanyika.—Chiyubunuzyo 7:9, 14; Intembauzyo 37:9-11.