Tubunga twazyakulwana tulikunyonyoona loko muHaiti. Kuli mapenzi alikweetwa aabantu bayandisya zyakulwana kuSouth Africa, kuMexico akulizimwi nyika zili muLatin America. Nikuba kunyika kutakwe bantu biingi bachita zyankondo, malipoti aali atala akubbidwa, kunyonyooka kwazintu apa kuti bantu aabo bakataazikane akuti balimvwe kabatakwabililidwe pe.

 Bbayibbili lityeni atala akuvula kwabubi kulikuchitika munyika yoonse?

 Bbayibbili lyakaambilizya kuti bubi nchipanzi chachitondeezyo chamamanino “aabwiime bwazintu.” (Mateyo 24:3) Naakali kupandulula atala achipanzi chachitondeezyo eecho, Jesu Kkristu wakati:

•   “Luyando lwabantu biingi luzootontola akaambo kakuvula kwabubi.”—Mateyo 24:12.

 Alubo Bbayibbili lyakaamba kuti “kumazuba aakumamanino” bantu teebakali kuyoolilesya pe, alubo bakali kuyooba “bakali, batayandi bubotu.” (2 Timoti 3:1-5) Buntu oobu butali kabotu mbubo bulikweeta bubi mbutulikubona mazubaano.

 Bubi buzoomana. Bbayibbili lisyomezya kuti chaba aafwiifwi loko chiindi chakuti bubi buzoomane.

•   Pele babombe myoyo bayookona nyika, eelyo bayoobotelwa kapati muluumuno lunji.”—Intembauzyo 37:10, 11.

 Yiya zyiingi atala ankani eeyi mpawo ubone kuti nkamboonzi nukonzya kubaachoonzyo chakuti chisyomezyo eechi chizoozuzikizigwa choonzyo. Langa zyiiyo zitobela.

 “Bulangizi Bwini-bwini Bwabuumi Bubotu Kumbele”

 “Ino Citondezyo ‘Camazuba Aamamanino,’ naa ‘Ciindi Camamanino’ Ninzi?”

 “Sena Bbaibbele Lyakaambilalimwi Bantu Mbobanikuyeeya Akucita Zintu Mazuba Aano?”