Zintu tazilikweenda kabotu pe mumfulumende zili munyika. Nikuba munyika zibonekaanga zintu zyoonse zilikweenda kabotu, munyika eezyo bazyapolitikisi nga bachita zintu zyeeta mpuwo mbi, nga kuli kutamvwanana munkani zyakweendelezya, alubo bamwi nga babukila mfulumende.

 Bbayibbili litondeezya kuti kuli mfulumende iimwi kupela iikonzya kupa kuti zintu zyeende kabotu munyika. Kulakonzeka kuti uyizi kale mfulumende eeyo. Njeeyo Jesu Kkristu njakaamba chiindi naakali kuyiisya atala akukomba.

•   “Nkinkaako, mweelede kukomba munzila eeyi: ‘Taateesu uuli kujulu, alisalazigwe zina lyako. Abuze Bwaami bwako. Akuchitwe kuyanda kwako aanyika mbuli kujulu.’”—Mateyo 6:9, 10.

 Bbayibbili lityeni atala aBwaami oobu?

 Bwaami bwaLeza bweendelezya kabuli kujulu.

•   Jesu wakaamba mfulumende eeyo kuti “Bwaami bwakujulu.” (Mateyo 4:17; 5:3, 10, 19, 20) Akaambo kakaambo aaka, wakati: “Bwaami bwangu teebwanyika eeyi pe.”—Johane 18:36.

 Bwaami oobu buzoogwisya mfulumende zyoonse zyabantu.

•   Bbayibbili lyaamba kuti: “Bwami oobo . . . buyoopwayaula akumanizya mami [aabantu] aaya oonse mpoonya bwalo bulikke buyakwiima nji mane kukabe kutamani.”—Daniele 2:44.

 Bwaami bwaLeza, buzooyendelezegwa aaJesu kali Mwaami alubo tabuzoonyonyoonwi pe.

•   Bbayibbili lyaamba kuti: “Bweendelezi bwakwe mbweendelezi bwalyoonse alyoonse oobo ibutakamani, abwalo bwami bwakwe mbwami butakanyonyoonwi.”—Daniele 7:13, 14.

 Bwaami bwaLeza buyooyeeta luumuno akuliiba munyika.

•   Bbayibbili lyaamba kuti: “Umwi awumwi uzookkala munsi aamusaansa wakwe amukuyu wakwe, alubo taakwe muntu uutazoope kuti bayoowe pe.”—Mikka 4:4.

 Chiindi Jesu naakali aanyika, wakabelesya chiindi chakwe chiingi “kalikukambawuka makani mabotu aaBwaami.” (Mateyo 9:35) Alubo wakaambilizya kuti:

•   “Aaya makani mabotu aaBwaami, azookambawukwa munyika yoonse kuti bube bukamboni kuzisi zyoonse, mpawo mamanino azoosika.”—Mateyo 24:14.

 Mazubaano, makani mabotu aali atala aBwaami alikwaambilizigwa munyika zyiinda ku 240. Tulakutamba kuti wiiye zyiingi atala aBwaami bwaLeza alubo ubone mbukonzya kugwasigwa abweendelezi bwabo.

 Tukumbila kuti uyebele vidiyo itii Bwaami bwaLeza Niinzi?