Mbukonzya Kwiibelesya Kabotu Mali
Bbayibbele lyakagwasya bantu biingi kuti bakonzye kwiibelesya kabotu mali.
PULANA KABOTU
NZILYAAMBA BBAYIBBELE: “Makanze aabankutwe masimpe apa kuzwidilila, pele bantu boonse baingana kucita zintu ncobeni balacetaala.”—Tusimpi 21:5.
CHAAMBAANZI?: Weelede kupulana kawutanayibelesya pe mali. Kuti uzwidilile, weelede kukakatila kuzintu nzwaakapulana. Kuyungizya waawo, weelede kuziba kuti tuukonzyi pe kuula zyoonse nzuyanda nkinkaako weelede kwiibelesya kabotu mali.
NZUKONZYA KUCHITA:
-
Lemba aansi zintu zyoonse nzwaakapulana. Lemba aansi zintu zyoonse nzuyanda kuula naakuti kuchita mpawo ulembe mali iiyandikana kuchintu chimwi achimwi. Kuti wabelesya mali nyingi muli chimwi chintu kwiinda nzwaakapulanide, ulakonzya kubweza iimwi mali yachintu chitayandikani loko. Muchikozyano, kuti wabelesya mali nyiingi kukuula mafuta aamoota ulakonzya kubweza iimwi mali kuzwa kuzintu zitayandikani loko mbuuli mali yakubelesya kuula chakulya kumakkicheni.
-
Utabi aazikwelete zyiingi. Yezya anzila zyoonse kuti utanjili muzikwelete pesi bamba mali kusikila ikakkwane chintu nchuyanda kuula. Kuti wawula chintu achikwelete, yezya kubbadala mali iiyandikana mweezi amweezi kuchitila kuti utazoobbadali mali nyingi. Kuti kawuli achikwelete, lemba kuti unoobbadala maliinzi mweezi amweezi mpawo uchite oobo.
Kumwi kuyanduulisisya kwakatondeezya kuti bantu bawula azikwelete bavuzya kubelesya mali nyingi nkinkaako weelede kuchenjela chiindi nuwula zintu achikwelete.
BA AMICHITO IILIKABOTU
NZILYAAMBA BBAYIBBELE: “Mutolo talimi pe ciindi camupeyo, Aboobo unoolombelela ciindi cakutebula, ciindi natajisi cili coonse.”—Tusimpi 20:4.
CHAAMBAANZI?: Muntu mukandu ulakonzya kufwaba nkinkaako weelede kuba muntu uubeleka changuzu mpawo upulane kuti mali uzooyibelesya biyeni mumazuba aatobela.
NZUKONZYA KUCHITA:
-
Beleka changuzu. Kuti wabeleka changuzu amulimu, bbosi wako uyookuyanda alubo uyooyanda kuti ukkale kawumubelekela.
-
Ba muntu usyomeka. Utabbidi bbosi wako nkaambo kuchita oobo kuyoosizya zina lyako alubo kulakonzya kupa kuti kuzookuyumine kujana mulimu muchiindi chili kunembo.
-
Leka kutangala. Kuyandisya mali kulakonzya kupa kuti unjile mumapenzi akuti utamvwanani abamwi. Weelede kuyeeya kuti buumi bulayandikana kwiinda mali.
ZIMWI NJIISYO ZYAMUBBAYIBBELE
Ulakonzya kubala Bbayibbele aaIntaneti alubo lilajanika aajw.org mumilaka myiingi loko
UTABELESYI MALI KUCHITA MICHITO MIBI.
“Nkaambo mukolwi amulyato bayoocetaala, alimwi butolo bupa kusama mazazawu.”—TUSIMPI 23:21.
UTALILYI MOYO ATALA AMALI.
“Amuleke kulibilika kujatikizya buumi bwanu kuti naa muyoolya nzi naa kuti muyoonywa nzi, noiba mibili yanu kuti muyoosama nzi.”—MATAYO 6:25.
UTABI ABBIVWE.
“Syaacivwulemwangu [naakuti muntu ulaabbivwe] ulayandisya kuvwuba, pele tazyi kuti bucete bulamusikila.”—TUSIMPI 28:22.
