5 Mapenzi Azoomana Na?
Nkamboonzi Nitweelede Kuziba?
Kuti kakuli twaambo tupa kuti tusyome kuti mapenzi azoomana, zipa kuti tube amaboneno alikabotu atala abuumi anzila njitumubonaayo Leza.
Nzweelede Kuyeeya
Bantu biingi balayanda kumaninsya mapenzi pesi tabakwe manguzu pe akwaamaninsya. Bona zili aansi awa:
Nikuba kuti kuli kuzwidilila muli zyabusilisi . . .
-
Bulwazi bwamoyo buli kuzumanana kujeya bantu.
-
Kkensa ilikujeya mamiliyoni aabantu munyaka amunyaka.
-
Dr. David Bloom wakalemba kuti “Nikuba kuti kuli minsamu myiingi yabusilisi, kuli malwazi miingi loko madokotela ngibatakonzyi kusilika. Amwi malwazi aaya aba achiindi pesi amwi ngalino-lino.”
Nikuba kuti zimwi nyika zili kuzwidilila muli zyabunoti . . .
-
Mamiliyoni abana balafwa munyaka amunyaka alubo eezi zivuzya kuchitika muzisi zili abantu bafwaba.
-
Mabbiliyoni aabantu bakkala mumasena alaadoti.
-
Bantu biingi bajana maanzi alaadoti.
Nikuba kuti bantu biingi bakaziziba zyeelelo zyabo . . .
-
Lipoti yakazwa kuUnited Nations yakaamba kuti mundawu zyiingi bantu bali kuuzigwa kuti babe bazike pesi mfulumende tazibasungi pe bantu bawuzya bamwi akaambo kakuti nga tabazi pe atala azintu eezyo alubo tabakwe zibelesyo zikkwene zyakubajata.
YIYA ZYIINGI
Yebela kavidiyo kategwa Bwaami bwaLeza Niinzi? aa jw.org.
Nzilyaamba Bbayibbele
Leza ulaandaba andiswe.
Zilamuchisa kuti twaswaanana amapenzi.
“[Leza taakwe] naasampaula naa kusesemwa mapenzi aamuntu uupengede; kunyina naasisa busyu bwakwe kulinguwe. Naakamukwiilila kuti amugwasye, wakamumvwa.”—INTEMBAUZYO 22:24.
“Kamuwaala makatazyo aanu oonse kulinguwe, nkaambo ulamubikkila maano.”—1 PETRO 5:7.
Mapenzi azoomana.
Bbayibbele lisyomezya kuti makanze aLeza azoozuzikizigwa.
“Leza . . . uyoosindula misozi yoonse kumeso aabo, alimwi lufwu talukabi limbi, akwalo koomoka, kulila nokuba kucisa takukabi limbi pe.”—CIYUBUNUZYO 21:3, 4.
Leza uyoogwisya zintu zyoonse zipa kuti kube mapenzi.
Eezi uyoozichita kabelesya Bwaami bwakwe naakuti mfulumende yakwe.
“Leza wakujulu uyoobikka bwami ibutakanyonyoonwi pe. Bwami oobo tabukapegwi kubantu bambi pe. . . . Mpoonya bwalo bulikke buyakwiima nji mane kukabe kutamani.”—DANIELE 2:44.
