Kuli baabo bayanda Jehova Leza aJwi lyakwe Bbayibbele:

Jesu wakati, “muyooziba bwini, abwalo bwini buyoomunununa.” (Johane 8:32) Yeeya mbuwakalimvwa chiindi nwaakatalisya kumvwisisisya kasimpe kazwa muBbayibbele! Kweelede kuti wakabotelwa loko kuziba kuti tulakonzya kwiiya kasimpe nikuba kuti tupona munyika iizwide twaambo twakubeja.—2 Timoteo 3:1.

Jehova Leza uyanda kuti tuzibe kasimpe. Kuyanda bantu kutusungwaazya kuti tubagwasye abalabo bakazibe. Pesi kukomba Jehova kuswaanizya zyiingi. Tweelede kubeleka changuzu kuti tupone kweendelana azyeelelo zyachiKristu nkaambo tulaalemeka malayilile aaJehova. Jesu wakaamba nzila iiyandikana mbutukonzya kutondeezya kuti tulamuyanda Leza. Wakati: “Mwanoobamba milao yangu, munookalilila muluyando lwangu, mbubonya mbwembamba milao ya-Taata, akukalilila muluyando lwakwe.”—Johane 15:10.

Jesu ulamuyanda Wisi alubo ulazumina kuchita milimu yoonse njatumwa. Kuti twatobelezya chikozyano chaJesu munzila njituponaayo, Jehova uyootuyanda alubo tuyoojana kubotelwa. Jesu wakati, “ikuti kamuzizyi zintu eezyi, munookkomene ikuti naa kamuzicita.”—Johane 13:17, NW.

Tusyoma kuti bbuku eeli liyookugwasya kuti wiiye mbukonzya kupona kweendelana akasimpe kazwa muBbayibbele akuti ube mweenzinyina waLeza. Tukombela kuti uzumanane kuyanda Leza akuti ukkale “muluyando lwa-Leza . . . lutola kubuumi butamani.”—Juda 21.