Kuti lukwatano lwazwidilila, lupa kuti Jehova alemekwe alubo lupa kuti mwaalumi amwanakazi babotelwe. (Mk 10:9) Kuti maKristu kabayanda kuti lukwatano lwabo lukkale akuti babotelwe, beelede kutobelezya malayilile aamuBbayibbele chiindi nibasala muntu wakukwatanaawe.

Zilikabotu kuti usale kuyandana aamuntu kuli wayinda “aciimo cakukubuka” nkaambo aachiindi eechi nga ulaachiyandisyo chipati chakuyanda koonana aamuntu alubo eezi zilakonzya kupa utasali kabotu. (1Ko 7:36) Chibelesye kabotu chiindi nchulaacho kutananjila mulukwatano kwiinda mukusimya bweenzinyokwe aLeza akubelekela kuba aabuntu bwachiKristu. Eezi ziyookugwasya kuti lukwatano lwako luzwidilile kuti wazoosala kunjila mulukwatano.

Kamutanakwatana, jana chiindi chakuziba muntu “wamukati kamoyo.” (1Pe 3:4) Kuti wabona kuti kuli zintu zikonzya kuzoopambanisya lukwatano lwanu, amuzyaambuule. Mbuli zichitika kubeenzinyokwe, mulukwatano toyeelede kulangilila kupegwa luzutu pesi weelede kuyeeya mbukonzya kugwasya muntu nguyanda kuzookwatanaawe. (Flp 2:3, 4) Kuti wabelesya malayilile aamuBbayibbele kutananjila mulukwatano, uyoobotelwa mulukwatano.

AMWEEBELE VIDIYO ITII KULIBAMBILA KUNJILA MULUKWATANO—CHIPANZI 3: ‘LANGA ZINTU ZIYANDIKANA,’ KUZWA WAAWO, MUSANDULE MIBUZYO IITOBELA:

• Niinzi chitondeezya kuti luyando lwamuchizi ooyu aShane lwakali lwakomena?

• Niinzi nzyaakazoobona naakasaanguna kumuziba kabotu Shane?

• Bazyali bakwe bakamugwasya biyeni muchizi ooyu alubo nkuukuli kusala kubotu nkwaakachita?