“Samba maboko. Salazya mung’anda. Tanyela lubuwa.” Bazyali biingi bayiisya bana babo kuti bakkale kabatakwe doti. Malayilile aakuti tukkale katutakwe doti azwa kuli Leza uusalala. (Ku 30:18-20; Dt 23:14; 2Ko 7:1) Kuti mibili yesu yakkala kayitakwe doti kuswaanizya azintu zyesu, nga tulikulemeka Jehova. (1Pe 1:14-16) Alubo tweelede kusalazya myuunzi yesu naakuti maandeesu. Bantu biingi basowa doti kufumbwa mpubabede mbuuli mumugwagwa, pesi maKristu bachita zyoonse nzibakonzya kuti batasowi doti kufumbwa mpubabede. (In 115:16; Ciy 11:18) Nikuba zintu ziniini nzitusowa mbuuli madeenzya aminsale, zikanchi zyamanego amapepa aanswiiti zilakonzya kutondeezya kuti tulibiyeni munkani yabusanambi. Kuli zyoonse nzituchita tuyanda kutondeezya “kuti tuli babelesi ba Leza.”​—2Ko 6:3, 4.

AMWEEBELE KAVIDIYO KATII, LEZA UYANDA BANTU BATAKWE DOTI, KUZWAAWO MUSANDULE MIBUZYO IITOBELA:

• Nzilitamizyo zili bamwi nzibapa chiindi nibatayandi kusalazya zintu zyabo?

• Mulawu waMozesi utondeezya kuti Jehova ulaamaboneno aali biyeni atala akusalala?

• Zintu nzituchita zipa kuti bantu bamubone biyeni Jehova?