Munyaka amunyaka, bakombi baJehova bakulangilila aameso aasalala kunjila Chiyubulusyo kabalaamwi. Nikusyeede mviki ziche kuti Chiyubulusyo chichitwe anichayinda, ngatwabelesya myeenya iisiyene-siyene kuti tutembawule Jehova akuti tumulumbe akaambo kachinunuzyo. (Ef 1:3, 7) Muchikozyano, ngatwabeleka changuzu kuti tutambe bamwi kuChiyubulusyo. Bamwi ngabalanga-langa zyiimo zyabo kuchitila kuti babone kuti balakonzya na kubweza bupayona bwakugwasilizya kwama-awa aali 30 naakuti 50 mumweezi waMarch a-April. Ulayanda na kuchita zyiingi mumulimu wakukambawuka muchiindi chaChiyubulusyo? Niinzi chikonzya kukugwasya kuti uchite oobo?

Chiindi chiingi, tulazwidilila kuti twalibambila kakuchili chiindi. (Tu 21:5) Tweelede kusaanguna lino kulibambila mbukunga Chiyubulusyo chaba aafwiifwi. Bona mbukonzya kuchita zyiingi mumulimu wakukambawuka muchiindi chaChiyubulusyo akuti nga ulachita biyeni kuti uzuzikizye zipeekezyo zyako. Mpawo ukumbile Jehova kuti akugwasye kuti uzwidilile.—1Jo 5:14, 15.

Nziizili zimwi zintu nzukonzya kuchita kuti uchite zyiingi mumulimu wakukambawuka muchiindi chaChiyubulusyo?