Nkamboonzi nimweelede kubuzya bazyali banu zili mumyoyo yanu? (Tu 23:26) Nkaambo Jehova wakabapa mulimu wakuti bamulanganie akumuzulwida. (In 127:3, 4) Kulakonzya kubayumina kuti bamugwasye kuti kamutababuzyi nzimuyanda azintu zimukataazya. Alubo mulakonzya kwiindwa aazintu zibotu zyakabachitikila mubuumi bwabo. Eezi zyaamba kuti mweelede kubabuzya zintu zyoonse na? Teembuzyaamba pe, pesi kuzintu nzibeelede kuziba mweelede kwaamba makani aachoonzyo.—Tu 3:32.

Kujana waambuuzyania biyeni abazyali bako? Yezya kuyanduula chiindi chilikabotu chakuti mwaambuule. Kuti kazikuyumina, ulakonzya kulembela umwi muzyali wako kagwalo kumubuzya mbulimvwa. Kujana wachita biyeni kuti bayanda kwaambuula atala ankani njutayandi pe kwaambuula? Utalubi kuti nga bayanda kukugwasya. Utababoni mbuli basinkondonyokwe bazyali bako. Kuti waangunuka kwaambuula abazyali bako, ziyookugwasya kwabuumi bwako boonse kukabe kutamani.—Tu 4:10-12.

AMWEEBELE VIDIYO ITII, BUUMI BWABACHIKULA—KUJANA NDAAMBUUZYANIA BIYENI ABAZYALI BANGU?, KUZWA WAAWO, MUSANDULE MIBUZYO IITOBELA:

• Ndiilili penzi ndyaakali aalyo Esther aPartik?

• Nibachikula, mwiiyaanzi kuzwa kuchikozyano chaJesu?

• Bazyali banu batondeezya biyeni kuti balaandaba andinywe?

• Ngaali malayilile aali muBbayibbele aakonzya kumugwasya kuti mwaangunuke kwaambuula abazyali banu?