NKAMBOONZI NIKUYANDIKANA?: Muchiindi chilaafwiifwi kuzoochitika zintu zitazooyande kuti tube aachibindi akutondeezya kuti tumusyoma chakumaninina Jehova. Mapenzi mapati azoosaanguna chiindi kwaakunyonyoonwa bukombi bwakubeja. (Mt 24:21; Ciy 17:16, 17) Muchiindi eecho chiyoosya loko, kulakonzeka kuti tuyookambawuka mulumbe walubeta. (Ciy 16:21) Gogo wakuMagogo uyootulwana. (Ezk 38:10-12, 14-16) Zyaakuchitika eezi, Jehova uyooyeta nkondo “yabuzuba bupati bwa Leza Singuzuzyoonse.” (Ciy 16:14, 16) Kuti tukakonzye kuyooba aachibindi kwaakuchitika zintu eezi, lino nchichiindi chakuti tukkale katusyomeka nikuba kuti twaswaanana aamasunko.

MBUTUKONZYA KUZICHITA:

• Kakatila kuzyeelelo zyaJehova zisumpukide kwiinda mukulijata kabotu.—Is 5:20

• Zumanana kuliswaanizya abakombinyokwe.—Heb 10:24, 25

• Swiilila malayilile aazwa kumbunga yaJehova.—Heb 13:17

• Yeeyesesya atala anzila Jehova njaakabagwasyaayo bakombi bakwe chiindi.—2Pe 2:9

• Komba kuli Jehova alubo umusyome.—In 112:7, 8

AMWEEBELE KAVIDIYO KATII, ZINTU ZIYOOCHITIKA KUNEMBO ZIYOOYANDA KUTI TUTAKAYOOWI—KAPANZI, KUZWA WAAWO, MUSANDULE MIBUZYO IITOBELA:

• Lusyomo lwabasikupupulula lwakasunkwa biyeni chiindi mbungano niyakapambulwa?

• Chibindi akuswiilila zinjililana biyeni?

• Nkamboonzi nikuyandikana kuti tukabe aachibindi muchiindi chaArmagedoni?

• Njiili vesi yamuBbayibbele iikonzya kutugwasya kuti tube aachoonzyo chakuti Jehova ulaamanguzu aakutufutula?—2Mk 20:1-24