Makani Aakalembwa aaLukka 15:1-32
15 Basimutelo boonse abasizibi bakali kumubunganina kuti bazoomumvwe.
2 Alubo baFarisi abalembi bakali kung’ung’una kabati: “Mwaalumi ooyu utambula basizibi alubo ulyaamwi ambabo.”
3 Mpawo wakababuzya chikozyanisyo eechi, wakati:
4 “Ngwani aakati kanu uuli aambelele zili 100 uunga kuti iimwi yasweeka, takoosiya zili 99 munkanda kuti akayanduule eeyo yasweeka kusikila ayijane?
5 Kuti wayijana, ulayibikka aamakwiko alubo ulabotelwa.
6 Mpawo naasika aamuunzi, ulayita beenzinyina abantu mbayakilenaabo mpawo ulababuzya kuti: ‘Amubotelwaamwi andime, nkaambo ndayijana mbelele yangu yakasweekede.’
7 Munzila iikozyenie, ndimubuzya kuti kuzooba kukondwa kupati kujulu akaambo kasizibi uumwi uusanduka kwiinda bali 99 baluleme batayandikani kusanduka.
8 “Naakuti, mpali na mwanakazi uuli aamadrakkima aali kkumi, uunga kuti wasweekelwa limwi, tayasyi lambe akutanyela mung’anda yakwe mpawo aliyanduulisisye kusikila alijane?
9 Mpawo kuti walijana ulayita beenzinyina* abantu mbayakilenaabo mpawo ulababuzya kuti: ‘Amubotelwaamwi andime, nkaambo ndalijana drakkima lyakasweekede.’
10 Munzila iikozyenie, ndimubuzya kuti ngilozi zyaLeza zilakondwa akaambo kasizibi uumwi wasanduka.”
11 Mpawo wakati: “Umwi mwaalumi wakali aabana balombe babili.
12 Mpawo muniini wakati kuli wisi, ‘Ndeende, ndipe chipanzi chazintu nzindeelede kujana.’ Nkinkaako, wisi wakabaabania bunoti bwakwe.
13 Nikwakayinda mazuba mache, mulombe ooyo wakabweza zintu zyakwe zyoonse mpawo wakayinka kuchisi chili kule. Kali nkukooko, wakanyonyoona zintu zyakwe zyoonse kwiinda mukupona buumi bwakutalijata kabotu.*
14 Naakamaninsya zintu zyakwe zyoonse, kwakaba nzala mpati muchisi choonse eecho alubo wakatalika kufwaba.
15 Mpawo wakayinka waakulibbantika kuli umwi muntu wamuchisi eecho. Muntu ooyo wakamubuzya kuti ayinke kumachezezyo aakwe kuti akeembele ngulube.
16 Alubo wakali kulombozya kulya chakulya chakali kuligwa aangulube, pesi taakwe muntu wakali kumupa chintu pe.
17 “Niyakaboolaamwi mizeezo yakwe, wakati: ‘Ndeende ulaababelesi biingi bali aachakulya chiingi loko, kakuli ime ndilikufwa aanzala ookuno!
18 Ndilanyampuka ndiye kuli ndeende ndikamubuzye kuti: “Ndeende, ndakabisizya julu anduwe.
19 Tandicheeleli pe kwiitwa kuti ndili mwanaako. Ndijate mbuli umwi wababelesi bako.”’
20 Nkinkaako, wakanyampuka waya kuli wisi. Naakachili kule-kule, wisi wakamubona mpawo wakamweetelela. Mpawo wakamuchijaanina, waakumumbundila* akumumyonta.
21 Mulombe ooyo wakati kuli wisi, ‘Ndeende ndakabisizya julu anduwe. Tandicheeleli pe kwiitwa kuti ndili mwanaako.’
22 Pesi wisi wakabuzya bazike bakwe kuti, ‘Amufwambaane, mweete chigogo chilamfu, chibotu loko mumuzwaatike nchicho. Alubo amumuzwaatike nweenwe* kukuboko amanyatela kumawulu.
23 Alubo amweete kang’ombe kaneneede, mukajaye mpawo tulye tupobole,
24 nkaambo mwanaangu ooyu wakalifwide pesi lino waba muumi lubo, wakalisweekede pesi lino wajanika.’ Nkinkaako, bakasaanguna kubotelwa.
25 “Mwanaakwe mupati wakali kumuunda alubo naakasika aafwiifwi amuunzi kazwa kumuunda, wakamvwa miimbo abantu bakali kuzyana.
26 Nkinkaako, wakayita umwi wababelesi mpawo wakabuzya zyakali kuchitika.
27 Mpawo, mubelesi wakati kulinguwe: ‘Mwanikaako wasika alubo wuso wamujayila kang’ombe kaneneede nkaambo waboola kali muumi.’*
28 Pesi mukulanaakwe wakanyema alubo wakakaka kunjila. Mpawo wisi wakazwa aanze akusaanguna kumukombelezya.
29 Pesi wakabuzya wisi kuti, ‘Bona, ndalikukubelekela kwaminyaka yoonse eeyi alubo ndalikukuswiilila muzintu zyoonse nzwaali kundibuzya pesi taakwe nwaakandipa nikaba kapongo kuti ndilye abeenzuma.
30 Pesi mbaasika biyo mwanaako, ooyu wakanyonyoona* zintu zyako amawuule, wamujayila kang’ombe kaneneede.’
31 Pesi wisi wakati kulinguwe, ‘Mwanaangu, taakwe nwaakandisiya pe alubo zintu zyangu zyoonse, nzizyako.
32 Nkinkaako, tweelede kupobola alubo tubotelwe nkaambo mwanikaako wakalifwide pesi lino waba muumi, wakalisweekede pesi lino wajanika.’”
Makani Aamunsi
^ Naakuti, “beenzinyina bachanakazi.”
^ Naakuti, “bwakulinyonyoona; bwakulilekelezya.”
^ MuchiGrikki, “wawida aansingo yakwe.”
^ Naakuti, “ring’i.”
^ Naakuti, “kalikabotu.”
^ MuchiGrikki, “wanyonyoona.”
