Johane Wakusaanguna 1:1-10
1 Tulikumulembela atala acheecho chakaliwo kuzwa kumatalikilo, nchitwakamvwa, nchitwakabona ameso eesu, nchitwakalangisisya, alubo nchitwakajata amaboko eesu, atala ajwi lyabuumi,
2 (nisimpe, buumi oobo bwakayubununwa alubo twakabubona alubo tulikupa bukamboni akumubuzya atala abuumi butamani bwakali aaTaata, mpawo bwakazooyubununwa kulindiswe),
3 eecho nchitwakabona akumvwa, nchitulikumubuzya atala anchicho, kuchitila kuti andinywe mumvwanane* aandiswe. Alubo mukumvwanana ooku nkutulaako, tulaamwi aTaata aMwanaakwe Jesu Kkristu.
4 Nkinkaako, tulikumulembela makani aaya kuchitila kuti kukondwa kwesu kumaninine.
5 Ooyu nguumulumbe ngutwakamvwa kuzwa kulinguwe, alubo ngutulikwaambilizya kulindinywe, wakuti: Leza mumuni alubo tamukwe mudima pe mulinguwe.
6 Kuti twaamba kuti, “Tulamvwanana anguwe,” pesi katweenda mumudima, tunooli tulikubeja alubo nga tatulikupona kweendelana akasimpe pe.
7 Nikuba oobo, kuti katulikweenda mumumuni mbuli nguwe mbali mumumuni, tulamvwanana aakati kesu alubo ganzi lyaJesu Mwanaakwe, lilatusalazya kuzibi zyoonse.
8 Kuti twaamba kuti, “Tatukwe chibi pe,” tulikulyeena alubo kasimpe takamo pe mulindiswe.
9 Kuti twalyaambilila zibi zyesu, we ulasyomeka alubo uliluleme zyakuti ulakonzya kutulekelela akutusalazya kukutalulama koonse.
10 Kuti twaamba kuti, “Tatunaba aabuzuba twabisya,” tulikupa kuti abe mubeji alubo ijwi lyakwe talimo pe mulindiswe.
Makani Aamunsi
^ Naakuti, “mubaamwi.”
