NOVEMBER 22, 2024
RUSSIA

“Ndasimikiza Mtima Kuti Ndilutirizgengi Kuja Kaboni Waku Yehova”

JULANI

Pa November 19, 2024, Khoti la mutawuni ya Korsakov muchigaŵa cha Sakhalin, lingumanga Mubali Roman Gumenyuk ndipu likuyeruzga kuti wagwiri ukayidi wapanyumba kwa vyaka vinkhondi. Iyu walutengi kujeri cha pa nyengu iyi.

Vakukwaskana ndi Munthu Uyu

Roman Gumenyuk

Chaka cho Wakuwiya: 1982 (Zalari, Irkutsk Region)

Chaka cho Wangubatizikiya: 2003

Mbiri Yaki: Wagwira ntchitu yakunozga vinthu vamagesi

Wakutorana ndi Olesya mu 2005. Awisi aku Roman ndi muwolu waki Olesya angumangika chifukwa cha vo agomezga mu nyengu ya ulamuliru wa Soviet Union

Mulandu wo wambika: Kuchitisa maunganu nga Akaboni aku Yehova kweniso kukambiskana ndi ŵanthu vakukwaskana ndi Bayibolu

Cheruzgu cho wakupaskika: Wagwirengi ukayidi wapanyumba kwa vyaka vinkhondi

Mazu Ngakumaliya ngo Roman Wangukamba mu Khoti

Kugomezga kweniso kusopa Yehova Chiuta nkhwakukhumbika ukongwa kwaku ini ndipu kuyanana waka ndi kututa. Mwaviyo, chiyesu ichi chakundichichizga kukana Mubwezi wangu wapamtima Yehova ndingachiyeruzgiya waka ndi kundilekesa kututa. Kweni ndimukanengepu cha. Nge munthu wakugomezgeka Yobu, nani ndikamba kuti: “Mpaka po ndifwiyengi, ndilekengi cha kuja wakugomezgeka!” (Yobu 27:5) Mulandu uwu usinthengi chechosi cha paku ini, mumalu mwaki undiwovyengi kuti ndije ndi chivwanu chakukho kweniso kuti ndimuyanjengi ukongwa Chiuta. Pa chechosi cho angakhumba kuchita nani, ndasimikiza mtima kulutirizga kuja Kaboni waku Yehova.

Tikondwa ukongwa kuwona chakuwoniyapu chamampha chaku Roman pa nkhani yakuja wakugomezgeka kwaku Yehova pa nyengu ya suzgu. Tigomezga kuti Yehova wamutumbikengi Roman kweniso tosi po tilutirizga ‘kuthemba nthazi zaku Chiuta’ kuti tikunthiyepu.—2 Timote 1:7, 8.

NKHANI